|
نقاط مهمة حداً قبل اقفال الانظمة ... ارجو الدخول من الكل ...مهم
السلام عليكم ورحمة الله
اما بعد :
اولا اشكر كل الاخوات والاخوان اعضاء الورش على جهودهم المباركة وما قدموه لنا
ثانيا : كلامي الان موجه لجميع الطلبة والطالبات اللي يكتبون مواضيع واستفسارات وهذا من جقهم لكن ؟؟؟
انا ابي اسئلك اخوي او اختي قبل ماتكتبين او تكتب تساؤولك هل دخلتوا الورش ؟؟؟؟
لكل مقرر ورشة هالمستوى سويناها
بصراحة الورش موجودة روابطها في الموضوع المثبت في المنتدى وسوف اضعه لكم
http://www.ckfu.org/vb/t614885.html
كل ورشة اتمت عملها بكل جد وسخرت لكم كل شيء ( ملخصات + محاضرات + كويزات +نقاشات +واجبات + اسئلة اختبارات سابقة )
يعني بدال ما تكتبون وين الواجب ولا حليت الواجب طلع غلط هل تتوقع ان اخوانك في الورشة سضرونك ابداً مستحيل
ومع ذلك قلنا لكم اعتمادنا على نظام البلاك بورد وتجون تاخذون واجبات البلاك بورد وتروحون للافتراضي حتى ماتقرون الاسئلة هي نفسها ولا لا نسخ ولصق وتخطون وتجون تلوموننا
يعني ومع ذلك حلينا واجبات الافتراضي وارفقناها في ورشنا وتجون تحلون وانتم مغمضين عيونكم ولا تقرون السؤال للاطمئنان انه نفس الواجب اللي امامك هو نفسه اللي حليناه
هذا بالنسبة للواجبات والادهى والامر تجون للمناقشات وتقولون وينها ؟؟؟ هل دخلت للورشة في الصفحة الاولى ومالقيتها اتحداكم واراهنكم انكم ما دخلتوا الورش ولا طبيتوا فيها ولا كلفتوا على انفسكم بالبحث وانا ضد هالكلمة لانه لا يوجد بحث ؟؟؟ الحلول قدام عيونك في الورشة
واللي يقول وين الملخص الملخصات في الورشة دخلت ومالقيته ؟؟؟؟ اتحداك
يعني حنا اعضاء الورش من بداية الترم وحنا نشتغل على كل شيء واجبات وملخصات ومناقشات ولا التفتنا لانفسنا ولا بدينا نذاكر
يعني حبايبي يحق لنا نذاكر حنا بعد ونلتفت لانفسنا ولمستقبلنا بس مع تساؤلاتكم المتكررة اللي مالها داعي وتغبن وترفع الضغط من جد لان كل شيء امامكم في الورش يرحم والديكم ادخلوا الورش قبل كتابة اي تساؤل
واذا مالقيتوا مرادكم ( واتحداكم ما تلقون المطلوب) اكتبوا تساؤلكم في الورشة نفسها ماله داعي تفتح موضوع
بالاخير ياخوان وياخوات حنا تعبنا واجتهدنا وبذل قصارى جهدنا لخاطركم ولخدمتكم ولتيسير الدراسة لكم
وانا من هالموضوع اطالب الادارة ان تتدخل وتضع حداً لها الامر وتحذف اي موضوع عن الواجبات والمناقشات والملخصات والاسئلة المحلولة السابقة لانها فعلا موجودة في الورش والورش كاملة والكامل وجه الله
واذا عندك شيء مو واضح في المقرر رح للورشة واطرح سؤالك ليتم الاجابة وتعم الفائدة للجميع
واعذروني كان لازم اقول هالكلام قد اكون قسيت والامر يتطلب ذلك فعليا
واسئل الله في الاخير ان يتم علينا نعمته بالنجاح وفالكم A+
اخوكم المحب
turki1400
التعديل الأخير تم بواسطة turki1400 ; 2014- 11- 29 الساعة 03:24 AM
|