خلي دعاني يوم عيـد الضحيـة
لزيارته ومواصلـه فـي مكانـه
لابو البعد لا بـوه لاحـي حيـة
يوم فـلان بعيـد عنهـا فلانـه
خذيت علم الزين مثـل الوصيـة
بعد الكلام اللي نطق بـه لسانـه
وأقفيت للمكتـب وقـت العشيـة
مقفـل والقلـب كشـر زمانـه
حسبي عليكم يالخطوط السعودية
مهانـة فـي كـل درب مهانـة
وأقفيت يومي بين روحة وجيـة
فارس ولاكن مايجمـل حصانـه
دقت تطمن قلت صبـرك شويـة
قلب عطاك العهد مايـوم خانـه
مريت من هو لا انتخابه خويـة
جمل كفو قـد الثقـة والأمانـه
قال افترح يابو الطبـاع الوفيـة
الموتر اللي وسط درجه ضمانـه
قلت البقا ياللـي عزيـز عليـة
ماتعطي من الهـرج إلا سمانـه
ثم مشينا صـوب نجـد العذيـة
يوم استوى لي الخط وأطلق عنانه
وصلت دار الزين قبل ضحويـة
عقب الهمـوم الكايـدة واللعانـه
وعيدت أنا وإياه عيـد الضحيـة
بأمـوت ولا أنسـاه ولا مكانـه