.. أقبل علينا البرد وأرتاحت الروح ....
أجواء المملكة رائعة
أمطار وعساها خير وبركة ورحمة ..
.. أخترت لكم شيلة تناسب هالأجووواء ..
..............
.
.
أقبل علينا البرد وأرتاحــــت الـــــروح
وزان التمشــي بالفجوج الوســـيعـــــة
يازين مد الشــوف والبال مشــــــروح
لابكر الوسـمي وبكــــر ربيــــــعــــــــه
متى نشوف البرق فالغيمة يلـــــــــوح
وطاري الرعد نسمـع تتابع صقيعـــــه
ونشوف سوق المزن فالأرض مطروح
مــزن مانفرق سابقه من تبيعــــــــــــه
تــصريح صبه عشـــرة أيـــام مفتــــوح
وليــــا أنتهــى قام أيتسابق رجيعــــــه
يحـــي العبال اللي بها النبت مذبـــوح
عقــــب الدهر تلبس ثياب الطبيـــعـــه
يلـــعب بها عشبن شذا طيبه يفـــوح
لاعــجل النسناس زاد أتهـــــــزيعـــه
فيـــه أم سالم تقرب شـــوي وتــروح
تخــفي لها لحن ولحنــن أتذيعـــــــه
وفيــها الحمامه تسجع بصوت مبـوح
بلحن الطرب ماهوب بلحن الفجيعــة
جــو يداوي كل أبــو قلـــب مجـــروح
اللي ظروف الوقـــت عيـــــت تطيـعه
أحصــان همه في حراويــه مكـــبـوح
ولاهــو بلاقي للكدر بـــــه ذريعـــــــه
جــو المدينة مالنــــا فيه مصــــلـــوح
ولالــي بزحمات الخطـوط السريعـــــة
فيها البني آدم لو بنى أبراج وصـروح
وحي مثل حيـــي الشفـــا والبديعــــــه
تراه من دنياه ماهــــــــــو بممنــــــــوح
ظميان يطرد له ســـــراب البقيعــــــــه
أبقضـــــي الأيام تعليــــق ومــــــــزوح
في دايـــرة حكم الأدب والشــــــريعــة
لو الفتـــى عن كثرة المزح منصـــــــوح
لكن مــــزوحـي مثل نفسـي رفيعـــــــه
....
http://www.youtube.com/watch?v=SNFmkYA1oSo
التعديل الأخير تم بواسطة ✶ جُمان ✶ ; 2014- 12- 2 الساعة 02:16 AM
|