2014- 12- 2
|
 |
المراقبة العامة
|
|
|
|
خافقي ساعة ونبضاته عقارب
خافـقـي ساعة ونـبـضاته عـقـارب = واللّيالي سيـف والأيّـام حـربه!
والزّمن مثل البـحر والحظّ قـارب = والقدر مـجداف والأمواج غُـربه!
والمنايا كأس كلٍ منه شـارب = والجـسد تُـربه .. يبي يرجع لـ تُـربه
والبشر أشكال وأطباع ومشارب = أنجبر بالبعض والبعض أنكسر به!
والعنى في داخل الأعماق ضارب = جيته بسِلمي وهو جاني بحربه!
كـلّ ما صلّحت شيء ألقـاه خــارب = ليت لك يا حظ عـذرٍ تعتـذر به!
آه من جـفنٍ لـ حلو النـّوم حـارب = ما يمـرّه ليـل حـزن إلا سهر به!
وآه من هـمّ معـاي آكـل وشـارب = بـادعٍ بين الضـلوع العوج دربه!
من خـفـوقٍ مـا تـعـلّـمه التـجـارب = مـانحٍ كلّ الثّـقة للّـي غـدر به!!
الجدايل تخدعه قبل الشوارب = ألف طعنة في صميمه وألف ضربه!!
طـايـحٍ بيـن الأبـاعد والأقـارب = ما بهم من قال: يا عطشـان شـربه !!
جرّب من الناس مستعرب وعارب = ما مشى له مع طريق ألاّ عثر به!
دايـمٍ وأقـوآلهم فيهـا تضـارب = لو ألفّ الكـون من شـرقـه لـ غـربه
وين أبلقى صـاحبٍ مـاله مآرب ؟! = فالشدآيد ثـابت ويمناه ذربه !!
لا متى وأنا من الأقدار هارب ؟! =و العنى بُـعده بعيني مثل قربه !!
طالبٍ رب المشـارق والمغـارب = يـرأف بـحـالي ويـفـرّج كلّ كُـربـه
سليمان الغفيلي
|