|
رد: توزيع مراكز الاختبار غير عادل
اقتباس:
المشاركة الأصلية كتبت بواسطة أبو تركي الرياض
أنا معكم بأن هذا الترم فيه مشكلة في مراكز الإختبارات
لكن ياجماعه فيه بدائل اخرى اختار الأقرب لك ليس ضروري بأن يكون مركز الإختبار بجانب بيتك !!
مثال: لو اننا طلاب انتظام في جامعة الملك سعود بالرياض طبيعي يوجد طلبه في جانب الجامعة
وطلبه في حي قريب من الجامعة وطلبه بعدين وطلبه بعيدين جداً عن الجامعة
فـ الأهم مركز إختبار في مدينتك ثم بعد ذلك إختيار مركز إختبار الأقرب فالأقرب
|
خلنا نكون منطقيين يابو تركي
يكون بجانب بيتي مركز اختبارات لا يبعد عني سوى ثلاثة إلى خمسة كيلو وبتخبص الجامعة وتقصيرها أروح اختبر في مركز يبعد 30 كيلو خلنا نتكلم بواقع
بعدين انت تقول جامعة الملك سعود هي موقع واحد ولاينطبق عليها حالتنا
وكل هذا التخبيص من الجامعة راح احنا ندفع ثمنه وانت تعرف الواحد نفسيته في وقت الاختبارات وفوق هذا تزيد عليه وتاخذ من وقته بسبب تقصيرك وضعف ادارتك
قد نكون افضل من غيرنا ولكن هناك طالبات وطلاب راح يعانون من هذا
وهناك طلاب مرتبطين بطالبات يوصلونهم ويكملون لمراكزهم
فتخيل انهم رموك في حي واختك او زوجتك في حي ثاني وانتم عندكم اختبار في نفس الفترة
|