السلام عليكم ورحمة الله وبركاته
أعتذر مقدما عن كتابة هذا الموضوع ولكن شيء يجيب الملل للأسف
الموضوع هو : كل شخص يدخل على الملتقى ويكتب استفسارات وهو ما تعب نفسه بالبحث في الورش؟
يدخل الشخص ويقول الاتي مثلا :
1- ما نزلت المحاضرة كيف أحمل ؟ ولو دخل الورش لوجد الاجابة واضحة.
2- المحاضرت المباشرة ما حملوها ؟ ولو دخل الورش لوجد الاجابة واضحة.
3- الواجب الفلاني غير موجود أو مختلف ؟ ولو دخل الورش لوجد الاجابة واضحة.
4- الملخص المعتمد ايش هو ؟ ولو دخل الورش لوجد الاجابة واضحة.
5- أسئلة الامتحانات السابقة فينها ؟ ولو دخل الورش لوجد الاجابة واضحة.
6- النظام متى يقفل ؟ ولو دخل الورش لوجد الاجابة واضحة.
7- الخ الخ الخ الخ الخ
بالله عليكم ايش تسموا الاستهبال هذا
لا وتلاقي ناس كأنهم أول ترم يدرسوا ومايعرفوا نظام الجامعة
ولا ناس ما تعرف أصلا انه في ملتقى من الأصل
يعني أي شخص يدخل الملتقى يلاقي أول صفحة في الأعلى ورش المواد الدفعة الماسية
ولو حرك أصابعه شوي وبحث شوية والله يلاقي نجاحه وبتفوق
لكن ما أدري بعض الأشخاص يدخل ويكتب على طول أبغى كذا ؟ ويتوقع ان الجميع تحت أمره وخدمته وجالسين ينتظرونه متى يتفضل يدخل ويطلب عشان يلبوا طلباته.
والله ألاقي أسئلة واستفسارات في ورشة الاحصاء تفقع القلب . وماشاء الله الأخت أم حنان قلبها كبير وترد على الجميع بكل صدر رحب (لكن أغلبها أسئلة استهبال) وشوفوا عدد الصفحات كم وصلت في الورشة وهي توضح وترد على الجميع
بالله الأشخاص القائمين بالورش ما عندهم أعمال !!!!! وما عندهم أسر !!!!! وما عندهم أطفال !!!!! وما عندهم مذاكرة لباقي المواد !!!!! ، عشان يجي الواحد يستهبل وما يدور عن طلبه في الورش .... وعلى طول أبغى كذا ويحسب الجميع شغالين عنده
يا ناس ياعالم يا هوه خلوا عندكم دم وكل واحد يبحث عن الشيء الي يبغاه في الورش وبطلو أسئلة الهبل
لي طلب واحد بسيط من أعضاء الورش وهو عدم الرد على أسئلة الهبل والاهتمام بالمذاكرة الشخصية قدر الامكان ..... وأي شخص له طلب يدخل على ورشة المادة ويبحث عن طلبه
يمكن يكون كلامي جاف على البعض لكن هذه هي الحقيقة ...... سامحوني
وبالله التوفيق