ملتقى طلاب وطالبات جامعة الملك فيصل,جامعة الدمام - عرض مشاركة واحدة

English Literature · 2010- 6- 25

اقتباس:

المشاركة الأصلية كتبت بواسطة lady sad

تحياتي للجميع

قبل ان اعطي رأئي بالموضوع اللي طارحه الأخ العزيز
انا لي ملاحظة على المنتدى واتمنى تتقبلونها بصدر رحب...انا مااشارك بالمنتديات ولا لي الكثير بعالم الانترنت الا بالشي القليل واللي يناسبني
ولما شاركت بالمنتدى كانت مصلحتي الاولى اني اكاديمية معكم والشي الثاني اني واثقة ان الموجوديين اعمارهم كبيرة وعقولهم كما حلمت ناضجة ومتزنة !
وكلي ثقة ان كل الاعضاء مايتخيرون عن بعض كلنا اخوة واحبة
بس للأسف لاحظت شي زعلني كثير وخلاني افكر انه ممكن اتجنب المنتدى مع العلم اني حبيت ارتباطي معكم
لاحظت ان اللي يكتب الموضوع او ينقل خبر يصير جاني ومجرم ويتحمل كل غلطة وذنب الفكرة او الخبر المنقول وللأسف حتى اللي يقرأ ويرد مايقرأ زين ! او الظاهر يتخطون الأسطر بس لمجرد انه يبي يرد ويجادل لمجرد المجادلة والعناد وانا واجهت كذا موقف لي كان هجوم وكلام والفاظ غريبة بمجرد اني رديت على صاحب الموضوع وعلقت على خبر نقله يعني ردي لصاحب الموضوع مو للي بعده بس للأسف تركوا الموضوع والتفتوا لي وقطعوني بالحكي ؟؟؟!!!!!! ليش ماادري ؟

ابي اقول لأي شخص مايعجبه الموضوع اللي يطرحه اي عضو يتجنبه ومايرد بشي او يرد بس بحدود الأخلاق والحوار الجيد وتحديد النقاط اللي ماعجبته ويناقشها بأدب وتفاهم ورقي
لا للنقاش الحاد ولا للعنصرية ولا للمحايدة بالأراء ولا لسوء الحوار والجهل

حنا كلنا نفكر بعمق ونستنكر امور كثيرة احيانا الإنسان يوصل لحد التفكير بالشي اللي يخليه يقول بينه وبين نفسه من أنا؟ ولا وش نهايتي ؟ ولا حتى يلفظ اسمه ويفكر بحروفه ويلاقيه شي غريب !
مثل ماصار مع الأخ اللي سئل نفسه وحب يطرح تفكيره لكم وقال ليش اللون الأسود؟
وانا بعد اقولها كثير ليش اللون الأسود؟
نظرته نظرة علمية صحيحة ونظرة تفكيرية مستنكرة مليون بالمية صحيحة
وكلنا نقولها بعقلنا وداخلنا وإلا ماجاء يوم وانطرح هالسؤال امامه من اهله او من يكون !

عزيزي كاتب الموضوع اشكرك على طرحك لتفكيرك واشكرك لأنك سمحت لنا وشاركتنا بتفكيرك
واشكرك لأنك سمحت لنا وبكل صدر رحب اننا نرد ونناقش وناخذ راحتنا بالنقاش
واسفة على الإطالة بس بعطيك رأئي : )

اولا اللي يقول اللون الأسود ستر بقوله غلطان مع احترامي لوجهة نظرك وممكن يكون كلامك صحيح لأن خامة القماش هي اللي ستر مو اللون ولو كان غلط ماكان سمحوا للحجاج من النساء بلبس اللون الابيض اوغيره بالحج
والعبائات مايحتاج احكي عن واقعها وسترها لأنها للأسف صارت شي مؤلم وليس للستر

وأنا لوخيرت بلون غير اللون الأسود ماراح اقبله لأني احب الأسود وتعودت عليه وارفض اي دخيل عليه
بس لوحكينا من الناحية العلمية اللون الأسود مضر جدا بالذات على منطقة الرأس وبالصيف
لأنه يمتص الحرارة وتأثر الحرارة على مرضى الضغط العالي
وأما فكرة من وين جاء هاللون !!
من اللي فهمته بحياتي ان المستشرقيين نقلوا عن طريقهم صور كثيرة عن اللي يصير بغرب افريقيا وشرقها وكان وقتها لبس العباية او الملاية عند المصريين وكان لونها فقط بالاسود اما بالجزيرة العربية كان الستر باللي عندهم الدراهم ومقتدر انه يوفر له القماش اللي يمكن المرأة من سترها واللي يبي يعرف عن حالهم بالأول يتابع اللوحات الفنية اللي رسمها المستشرقين لأنها كانت الوسيلة الوحيدة لتقل واقع معين للعرب والمسلمين ولاشفتوها بتلاحظوا ان العبايات ماكان لونها اسود بالعكس كانت الوان فاتحة بالذات ببلاد الشام والعراق وماحولها ولا ننسى انهم كانوا رمز الحضارة والاسلام وقتها ومن ايام الجاهلية كانوا هم مصدر التجارة وماتحتويحها
للجزيرة العربية
ومن الممكن بعد ان توفر القماش كان سهل من ناحية غزل الخيوط وغيرها بس توفر صبغة اللون كان صعب والالوان كانت الهند وشمالها مصدر جيد لها بسبب الطبيعة اللي عايشين فيها بس كان ثمنها غالي وبنظري ان اللون الاسود ظهر وانتشر لانه متوفر اكثر واللون الاسود عادة وليس عبادة.

لا أزيد على ما تفضلت بقوله ..
فقط لدي تعليق على بيئتنا للأسف الزاجرة التي ترفض الحوار المبني على الثقة ..وللأسف كنت افعل ذلك اعترف بهذه الجريمة .التي كنت أمارسها ..

تجدين الأب يقرع ابنه ويوبخه ..تجدين الأخ الأكبر يضطهد منهم اصغر منه سنا و تجدين المدير يمارس ذات الطريقة والمدرس وهكذا في دوائر متداخلة فيخرج إلينا مجتمع مضطرب يعاني من فقر دم حاد في القبول بالرأي المخالف له ..

وأنا سألتني .أين تجد متعتك ؟أقول لك في الحوار والحوار الحوار ..حتى انك تجدين القران الكريم يقول في كثير من مواطنه على منقبة وفضيلة الحوار .

لن تنضج الأفكار وتغدو طرية ومقبولة للهضم الا بسخونة الحوار الهادئ الذي لا يخرج عن إطاره الأدبي والاخلاقي ..

..الحوار بالحسنى..والكلمة الطيبة .. والله قال لرسول الأمة جعلت فداه ولو كنت فظ غليظ القلب لأنفضوا من حولك.. صدق الله العظيم

وقد تساءلين ..وما الذي يصنع الحوار ..؟ .أقول لك المختلف ..