المشاركة الأصلية كتبت بواسطة 2cool

يا ابوي ليتك حـيّ وتـشـوف حـالي

تشوف وش هو صار من بعد فرقاك

صار الوطن بعدك من الناس خالي

صـار الوطن غربة بعد ما فـقدنـاك

يا ابـوي أنا بـعدك سهـيـر اللّيالي

مـقـهـور مـن دنـيـاي منّـا ومنّــاك

حـدّتـنـي الـدّنيـا وأنا راس مـالـي

إني عزيـز النفس مثـلك وشـرواك

ما فيـه شيء في حيـاتي صفـالي

حتى الورود إن جيتها صارت أشواك

أطيــح وحـمـولي عليّـه ثـقـالـي

وأتخيّـلك مـدّيت لي كـفّ يمنـاك

بعـدك ولا مـرّه تـرى إرتـاح بـالـي

أصفـق على كفّـي نـدم وأتحـرّاك

من ضيقتـي يا كـمّ أصدّق خيـالي

وأقـوم أدور عنـك وأقـول بـ ألقــاك

أضيع بـ العـالم وهمّـي سـؤالي ؟

هو أنت وينك؟ ليه ماعاد شفناك؟

أدري لو إنـك حـيّ يا أعـزّ غـالـي

يمديك تفزع قبل.. ماجيك وأنخاك

ويلاه .. يـا حـالي ومـاهو جـرالـي

ويلاه .. يـا قلب تـعذّب في طرياك

ويـلاه .. يـا بـويـه مـن أوّل وتـالـي

لا والله أوّل كان ينـجينـي .. إدعاك

واليوم من بعدك وش اللّي بقـالي

غير إني أدعي ربي يغفر خطايـاك

يـا الله حـطّـه وسـط منـزال عـالي

في جنّـة الفـردوس يـا رب الأفلاك

وأغـفـر ذنـوبـه يـا عـزيـز الجـلالـي

وشرح لي صدر ضاق من جور دنياك

فهد الدحياني

اللهم أرحم والـــدي بواسع رحمتك

وأرحم موتى المسلمين ياأرحم الراحمين