بكتب لكم رايي عن الدكاترة اللي سبق اخذت عندهم
د. سناء مبروك كثير خوفوني منها وان اسئلتها صعبه ومدري كيف
اخذت عندها مادتين تاريخ وبيئة وكلهم الحمدلله جبت فيهم حلو
شرحها واسلوبها يجننون وحبوبه مره
واسئلتها واضحه وتجيب بالنهائي كثير من الشهري
بس التزمي بالحضور لانها تدقق على الغياب.
د. سماح
اخذت عندها اعلام والخدمة الاجتماعية ورعاية الشباب
اسئلتها جداً سهله بس للاسف اسلوب مافيه
بتكرهين نفسك بمحاضرتها ماتعرف تشرح ومره وش حلوها وفجأة تسفل بالبنات
وتبلشك على النشاط
د. داليا + د. سلوى رمضان + د. فاطمة العثمان + د. عايشة التايب
احسن دكاترته درسوني اسلوب راقي ومتفاهمين ومتعاونين مع البنات
وشرح وتأشير واسئلة حلوه
د. يسرى
اخدت عندها التنمية الاجتماعية والاقتصادية
محاضرتها هادية ومريحه واسئلتها واسلوبها حلوين
اما الدكاترة الرجال
د. محمد كامل شرقاوي
اخذت عنده علم الاجتماع التطبيقي
جديد توه جاي بس اسئلته حلوه وطيب بالمره ويأشر ويراجع قبل الاختبار ويهتم بالبنات
بس التاشير بتضيعين وانتي تلحقينه ^^
د. مصطفى احمد طه
اخذت عنده استخدام الحاسب في البحوث الاجتماعية
اخلاق اخلاق اخلاق اتعب وانا اقول اخلاق هالانسان مره يراعي البنات ويساعد ومايقصر
ويعطي شرحه بذمه وضمير بس للاسف كثير جابوا نازل بالشهري وجاته صدمه عاطفيه :d
وسوا تحسيني واخذ نشاط يرفع درجاتهم فيه ويقول ان مافيه احد يرسب عنده
د. ايمن احمد فرج
اخذت عنده خدمة الفرد والجماعة
احسن دكتور مر علي من ناحية الشرح يوصل المعلومة صح
وانا اذاكر اتذكر شرحهه كانت سهله المذاكره
واسئلته حلوه
د. ايمن احمد فرج
هذا اطيبهم كلهم حبووووب مره وسيع صدر ومحاضرته حلوه
شرحه حلو ويأشر ثم يعطي البنات فرصة يقرون ويسألونه ويحطون اسئلة يعطيهم درجات مشاركة عليها
بعدها ينقل اسئلة على كل جزئىة
ويجيب منها كثير بالامتحان
نشاطه كان تلخيص ثلاث فصول استفدنا منها كثير بالمراجعه
وكلهم يأشرون الا د. سماح
ان شاء الله اكون افدتكم .