ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية ورشــة مقرر ♥ الإحصــاء في الإداره ♥ ..

samorah83 · 2014- 12- 9

اقتباس:

المشاركة الأصلية كتبت بواسطة ♥ ησσпị

^

سميره بحاول اشرحه لكِ بشكل مبسط اكثرَ ويارب توصل لكِ الفكره واي شي مو فهوم امريني . .

شوفي ياقلبي هنا قال قطعه نقود اول شي لازم نشوف الاحتمال تبعها معروف قطعه النقود
لها جهتين ( صوره + كتابه ) ، يعني لو رميتها اما يطلع لي صوره او كتابه يعني الاحتمال متساوي
1/2 لجهه الصوره h و 1/2 لجهه الكتابة t بالسؤال طالب احتمال الصوره h يعني p=1/2
جبنا الأحتمال ل الصورة وهو 1/2 اذا مكمل الاحتمال ( احتمال ظهور الكتابه ) q=1/2
كيف نجيب مكمل الاحتمال ؟ نجيبه من الاحتمال مطورح من 1 q=1-p .

مثل اوضحه لكِ اكثر ، عندنا قطعه نرد كم لها وجهه طبعاَ ( 6 ) لو جيت رميتها مره اما بيطلع لي
رقم 1 أو 2 او 3 او 4 او 5 او 6 مثلا قلت لكِ احتمال ظهور الرقم (5) عند القاء قطعه نرد مره واحد ؟
طبعا بيكون 1/6 ( 1 اللي هو احتمال ظهور الرقم 5 و رقم 6 اللي بالمقام هو عدد الاوجهه كلها )
يعني هنا p=1/6 طيب مكمل 1/6 كم ؟ q=1-1/6=5/6

نرجع لمثالنا جبنا الأحتمال p ومكمله q الحين نكمل باقي السؤال قال لنا رميناه 5 مرات اذا n=5
اللي هي عدد محاولات التجربه نكمل السؤال قال بعدها اوجد احتمال ظهور الصوره 3 مرات ؟
x=3 اللي هو عدد مرات ظهور الصوره عند القاء النقود 5 مرات .

نجي نطبق قانون التوافق /

الحين تطبيق مباشر طلعنا p=1/2 وكمان q=1/2
نفتح قوس التوافق ونحط البسط عدد المحاولات التجربه اللي هي n=5 والمقام عدد مرات ظهور
h اللي هي x=3 ونضربها في الاحتمال مرفوع ل الاس 3 اللي هو طلبه احتمال ظهورها 3 مرات
ونضربها في المكمل الاحتمال مرفوع للاس n-x اللي هو 5-3 وبعدها نعوض بالارقام بيصير عندنا :

السوال الثاني طلب التوقع قانونه n*p ( عدد مرات التجربه مضروب بالاحتمال ) .
السوال الثالث : التباين يساوي n*p*q ( عدد المرات مضروب بالاحتمال مضروب بمكمل الاحتمال ) .
^ كلهم تطبيق مباشر ، ان شاء الله وضحت لكِ الفكره "( مع اني فاشله بالشرح .

اقري الشرح اللي كتبته وارجعي افتحي الرابط اللي ارسلتَه قبل اشوي وراح
يصير السؤال بسيط ومفهوم ان شاء الله ، واي سؤال انا بالخدمة عيوني . .

الله يسعدك ويوفقك وينجحك على هيك شرح