سلمت يمينك وصح لسانك ولاهنت ..
بس حبيت اضيفلك مثل يمكن نسيته الي هو مثل البنقالي ..
يقول طال عمرك والسامع حتى الحكماء واصحاب النقد والذوق الرفيع ودكاترة علم الاجتماع والنفس وعلماء المكتشفين لقياس قوة الذكاء للانسان ابتلشو وضاعت علومهم يوم شافو وقرو ها المثل الواحد منهم ابتلش وانحاس وكل واحد يقول في نفسة ليش فاتنتي ها النقطة ليش ماخذت في مجال دراستي ومشواري التعليمي وسلكت مسلك الي خذاه الاخ البنقالي ..
ماطول عليك المثل البنقالي يقول الله يسلمك ..
كل نفر حرمة سمسم كفيل كله مافيه كويس .. هازا حرمة مسكلة .. ليس رزال لازم تعبان مريض ( سكر .ضغط . قلق . نفسيه . وسوسه . تفكير . هلوسه . انفصام في الشخصية . جميع الدوائر الحكومية له ملف له . الرجال قبل الزواج مقاس جزمته اعزكم الله 42 بعد الزواج 45 -46 من كثر الفرارة بالاسواق تسحب فيه من سوق لسوق . انواع التغيرات في معدل الوزن لدى الرجل اليوم نفسيتها حلوة ورايقة انواع الطبخ الي كيف كيفك وعقب الغداء انواع الحلا والفلة وعقب العصر القهوة والحلا برضوه من غير الفطائر طبعا الله يخلي كتاب الطبخ الاسبوع الي بعده انواع النفسيه الخايسة رفضت توديها السوق تبي شنطة مكياج فيها 377 لون ولا مالبيت رغباتها طبعا مافيه طبخ مالي نفس مالي شغل فيك تبي تاكل الله يخلي المطاعم على الذمة وهنا تبدى النفسية وانواع المعاناه البيت محيوس وانواع الخياس الغسيل له اربع ايام مكوم وبهذلة تبدى الاضطرابات البيسلوجيه (لاحد يسالني عنها لاني مدري وشهي بس اسمع عنها ) المهم تطلب اليوم الثاني ابي شغاله تروح تقدم شغاله 9000 وانتظر دورك وشف متى تجيك بعد ثلاث شهور طبعا بعد خلافاات مع مكتب الاستقدام ومراجعه شرطة وطلب كفيل حضوري جتك الشغاله قعدت اسبوع ماعجبها الوظع الاندنوسية طبعا عشان تكشخ فيها الحرمة قدام اهلها واصديقاتها ترجعها المكتب صفقها صاحب المكتب كم كف وقالك ودها للجوازات وفتح ملف وترجعها انت للمكتب التسول وتفتح ملف وانت اليوم الثاني توديها المطار .. وووووووو .. الخ ..)
الصراحة الكلام الكثير عنكم مايوصف ولا هو عجز عن التعبير عنكم ايها النساء الله يخليكم لنا ..
تسالوني ليش لك ملف في كل الدوائر الحكومية وليش السكر والضغط واانواع الامراض تجيك شي نعرف اسمه وشي باقي عالم الطب والدكاترة ابتلشو في مسمياته ..
صدقوني لو فيه وقت كان تكلمت وقلت ولا ردني الا شي اثنين ..
اول شي بتورم اصابعي من كثر ماكتب وتمنيت ان في المنتدى ها اللحظة مايك عشان اتكلم وسطل موية عشان ابل ريقي لاينشف ..
والشي الثاني الي ردني من الكلام مابي اكون سبب في تحطيم الشباب من الزواج وتكسير مجاديفهم في اكمال نصف الثاني من الدين ولكن الي اقوله ..
اعقلها وتوكل انتم السابقون ونحن الاحقون ..