بمسكها معك ياعزيزي حبه حبه عشان القارئ مايكون مشوش فكره بهالموضوع
اول شغله بما ان مستحقات الشهراني لم تجدول معناها مافيه شكوى وموضوع الاعب محلول وواصلين لاتفاق سلمي بدون شكوى .
سعود كريري ماله اي مستحقات ماندفعت حسب كلام رئيس النادي , الشمراني له مستحقات هو والشهراني فقط وتم ذكرها من قبل رئيس النادي وهذي ممكن تندرج شكوى من ضمن الثلاث الموجهه للهلال .
وبالنسبه لدعم اعضاء الشرف ممكن جميع الانديه ماتلقى دعم مثل مايندعم الهلال من اعضاء شرفه والا عضو واحد مثل الوليد بن طلال راح يدعم ويغطي للنادي .
انت تقول الثلاث صفقات هذي تعادل عشرات المبالغ المطالبه فيها الانديه ؟ مع العلم ان كريري مستثنى !
وان النصر العقد الواحد مايتجاوز المليونين ريال !
مستحقات الجبرين 3 مليون ونصف من ضمن الشكاوي المدرجه
حسني عبدربه 600 الف دولار مايعادل مليونين وربع تقريبا
مسحقات نادي فلامنغو 7 مليون دولار ما يعادل تقريبا 26 مليون ريال
ناهيتك عن مستحقات ابراهيم غالب اللي حان اجلها ومستحقات دلهوم ووكلاء الاعبين
ماقلتهم عشان احسب واعد بس عشان اثبت لك ان اللي يقوله الاعلام شي والواقع شي مثل ما اعلام الهلال بنظرك كاذب اعلام النصر ايضا مايختلف عنه بشي .
بالنسبه لمداخيل الانديه اختلف معك تماماً
الاهلي 100 مليون من القطريه ذكرت
الهلال من 9 رعاة تقريبا 80 مليون
النصر كيف جت 72 مليون ؟ هل يعقل الهلال مع هالكم من العقود تعدى النصر ب 8 مليون فقط ؟؟؟؟؟
اذا كانت موبايلي الراعي للهلال والنصر لمدة خمس سنوات ب 250 مليون
معدل 50 مليون بالسنه الوحده
يعني دخل نادي النصر من الرعاه 50 مليون ريال فقط مستثنين المتاجر طبعا من الطرفين
قد ذكرت ان النقص المالي بالانديه مايعتبر عيب ! عشان نخفي الامر وللاسف فيه ناس يحسسونك ان رئيس النادي بيقفل النادي ويبسط قدام الباب عشان يسدد !
بنهاية حديثي الازمات الماليه اللي تعيشها الانديه ليست الا سحابة صيف عابرة .
وبالتوفيق للجميع
