ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية تجمــع مذاكره للمقرر $الاحصـــاء الاجتــماعي $ ..

أسماء عبدالعزيز · 2014- 12- 14

اقتباس:

المشاركة الأصلية كتبت بواسطة حكاوينا

السلام عليكم
في محاضرة الثالثه
في التباين اس

الناتج في المجموعه ثانيه 1.7
كيف صارت 2.89
كيف تربيعها وعلامه تربيع كيف اربعها بالاله الحاسبه
عسي اني كتبت سؤالي مضبوط

حبيبتي بأتكلم بشكل عام مو عن هذا المثال

القيم اللي تحت العامود d يسمونها الانحراف

كلها قيم انحرافات ... سوينا العامود اللي بعده القيمة المطلقة للدي |d| >> يعني بس نشيل الاشارة السالبة ..

واخذنا الوسط الحسابي لها يعني نجمعها ونقسمها على عددها ..

هذي الخطوات نسميها متوسط الانحرافات ,, او انحراف المتوسط ..

ليه سميناها كذا لاننا طلعنا قيمة d اللي هو الانحراف واخذنا متوسطها

طيب هالدي d راح نستخدمها ثانية مع التباين ..

بدل ماناخذ القيمة المطلقة .. نربعها لما تربعين بالآله مو شرط تحوسين عمرك وتبحثين عن الرمز ... مثلا تربيع 2 يعني 2في 2 = 4 وهكذا ..

تربعين كل قيم d وتحطينها بالخانة الجديدة تسمينها دي تربيع ..

ثم تاخذين متوسطها تجمعين قيم دي تربيع وتقسمينها على عددها ويطلع ناتج التباين طبعا التباين رمزه s تربيع

الإنحراف المعياري جذر التباين ومعروف بالحساب ان التربيع يروح لما نحطه تحت الجذر فالانحراف المعياري = s لحالها بدون تربيع ..

تاخذين نتيجة التباين وتسوين لها الجذر بالآلة ويطلع لك الانحراف المعياري ...

يارب يكون الكلام واضح ولقيتي من بينه الجواب على سؤالك ... :)

موفقه