المشاركة الأصلية كتبت بواسطة لابتوب وردي&

السلام عليكم
كيفكم مع الاختبار
الاختبار كان صعب اغلب الاسئله ما مرت علي مع العلم اني ما ذاكرت الا اسئله من والى لكن الحمد الله على كل حال

المهم اعزائي ابي انبهكم على شي لاحظته في ردود ومواضيع الطلبه عن انطباعهم عن الاختبار اليوم وكميه الدعاوي الشنيعه والسب على الخريف عشانه مغير الاسئله

اتقوا الله يابشر تدعون على الرجال ان الله يحرمه غاليه ويعسر حياته ويسلط عليه ويبليه ووووالخ
على فكره الرجال ما غلط الغلط منا احنا
مهملين طول السنه ونذاكر ليله الامتحان اسئله الاعوام السابقه واذا غيرها تحلطمنا ودعينا عليه

اتحدى اي طالب و طالبه مجتهد زفت في الاختبار

انا بالنسبه لي كان صعب وزفت فيه لاني انا المهمله ولا ذاكرت الا اسئله الاعوام السابقه ليله الامتحان ومعترفه بتقصيري مو شين وقوات عين اذاكر اي كلام وادعي على الدكتور عشان الاختبار ما عجبني
انا اتفق معكم ان الدكتور اسئلته تلخبط وتشتت بس مو صعبه

انا معكم انو احنا عندنا مسؤليات واطفال والبعض موظف لكن الدكتور مو ملزوم يجيب اسئله الاعوام السابقه اتقوا الله عياله مالهم ذنب تدعون عليهم تراها درجات دنيا الله يهديني واياكم ويسهل علينا الاختبارات الباقيه

ركزوا على الجاي اللي راح راح ونعوضها ان شاء الله