المشاركة الأصلية كتبت بواسطة @بوفهد

حمد ياعزيزي
خل عندك نظرة بعيدة شوي
شوف الموظفين القدماء في البنوك (وانا منهم ) كان راتبي يوصل الخمسة ايام كان المدرسين رواتبهم اربعة يعني كنت مطنوخ بالنسبة لهم لكن مع مرور الوقت بدون زيادات وكرف و دوام طويل واجازات 21 يوم فقط في السنة وكمية النفاق والمحسوبيات اللي تخليك تكره حياتك ..الخ اقولك مع مرور الوقت لقينا حتى موظفين الاجور اللي في الدولة ترسموا وما عاد بين رواتبهم ورواتبنا فرق كبير مع ملاحظة ان بعد التقاعد بتروح البدلات اللي تمثل 60 من رواتبنا ..اما زملائنا المدرسين اللى كنا افضل منهم الان رواتبهم الاساسية بس افضل من رواتبنا اللي كلها بدلات وفي التقاعد ما يخصم عليهم شيء ...اضف الى ذلك ان الزيادات في الرواتب الحكومية لمواجهة التضخم كانت وبال علينا في القطاع الخاص وتضررنا كثير
ياخي يكفي انك مطالب سنويا بتارقت معين لازم تحققه عشان يعطونك مبلغ مقطوع بدل الزيادة في راتبك
طبعا كلما زادت خبرتك قلت قيمتك ففي نظر الادارة يجيبون موظف صغير كله طاقة وحيوية وبراتب صغير وما يطالب بزيادات ولا يضغط عليهم