الشهادة هذي اللي ماخذها عشان ترقية واللي ماخذها عشان تحسين مستوى المعيشة واللي ماخذتها وهي ربة بيت مجرد تحسباً لظروف الزمن إذا دعت الحاجة للوظيفة .. وأنا من وجهة نظري إن الشهادة لو ما اتخذت بمذاكرة ومجهود ما راح يكون فيها بركة .. والراتب اللي راح يجي من ورا هالشهادة بعد ما راح يكون فيه بركة ...

يعني أنا ما أقول لكم إني دافورة وطول السنه أذاكر .. بس لما تبتدي الإختبارات أتخذ موقف جدّي والتزم بالمذاكرة مع إن وضعي زيكم كلكم وعندي ظروف واللي راح يقولون لي ليش ما دخلتي انتظام .. اقولكم انا متخرجة من الثانوي من 16 سنه يعني ما ياخذوني انتظام
والحمدلله درجاتي كلها a و b ومعدلي فوق ال4،5
يعني السالفة فقط اسبوعين .. ضغطوا على نفسكم شوي

وأنا بصراحة استغرب من من العدد الكبير اللي يجون يومياً الاحتبار وهم فقط مذاكرين اسئلة الأعوام السابقة وإذا طلعت الوحدة فيهم من الاختبار نفسها في خشمها وتسب الدكتور ... ترى كلنا نحفظ اسئلة الأعوام السابقة ونتمناها تجي .. بس بعد لازم نذاكر الملخص بالكامل .. وبالذات لما تكون مادة تخصص

والبعض مادري شلون دخلوا انجليزي وهم أصلاً ما يعرفون يتكلمون انجليزي
انتوا في تخصص إنجليزي يعني بكرة لما تاخذون الشهادة وتروحون تقدمون على وظايف أو ترقيات راح يتوقعون منكم انكم تتقنون الانجليزي بكل جوانبه .. يعني فرصه إنكم تذاكرون وتكونون ملمين باللغة ..

وشكراً لأنكم تحملتوا فلسفتي وترى ما قلت اللي قلته إلا لمصلحتكم
والله يعيني على الانتقاد والسب اللي راح يجيني الحين من البعض