نصايح مني لكل الطالبات اللي بيتخصصوا
1\ حبي قسمك وحطي في بالك ان اي قسم راح يواجهك فيه صعوبات مافيه شيء كامل
2\عدم الغياب الدكتورات اذا شافوا الطالبة حضورها فعال يزيدونها درجات ولو احتجتي بالنهاية درجة درجتين على النجاح يطالعوا بحضورك وغيابك
3\ المشاركة الفعالة وقت المحاضرة صيري شعلة خلي الدكتورات مايشوفون بالمحاضرة الا انتِ هههه
صدقيني يحفظونك والنتيجة زيادة درجات لانك تستحقي
4\لبسي لبس مرتب وابعدي عن الاوفر في كل شيء سواء في اللبس او الميك اب
هذا له دور بعد في المحاضرة .. بعض الدكتورات يحاسبوا على اللبس
وانا اكبر مثال لك رحت عربي مو حباً فيه ومع الأيام حبيته ومشيت حالي
سنة اولى سهله والبحوث قليلة اللهم مادة فيه صعبة الكل يشتكي منهاا الاهي مادة العروض
سنة ثانية ايضاً سهله ومافيه شيء صعب كله يعتمد على الحفظ وفيه مادة بسيطة سهله لكن
الدكتورة هي اللي مصعبتها ومازمتنها ومسببه للبنات رعب فيها لكن فيه دكتوة ثانية ماسكه المادة
عســـل
سنة ثالثة آه يا ثالثة مابغيت أأجز سحبت طاقتي سحب من اول السنة لاخرها كرف كرف غير طبيعي
والمواد طــــويلة طويلة طويلة والبحوث كثيرررهـ
لكن لاتخافي هالمعاناة عند جميع الاقسام سنة ثالثة تكون صعبة اللي تطلع منها وتروح رابعة كانها رايحة الجنة الله يرزقنا الجنة يارب
ورابعة لسه ماجربناها السنة إن شاء الله وتكون خير
و لآ تحاتي قسم اللغة العربية حلوو