|
رد: الميدسن ... بأقل الخسائر الممكنة
اقتباس:
|
طبعا سووووري طلاب و طالبات السنوات الأولى في الطب سفطو على جنب <<< أم الأسلوب
|
شدعوه عاد خليهم يدلون بدلوهم خسرانه شي انت
والله الأخ حسن كفى ووفى وما عندي زود على كلامه
بالنسبة لكتب الكلنيكال بصراحة انا قرأت في اكثر من كتاب وشفت الكلام يتكرر بس الفلسفه تتغير
الحين وبعد المتاهه الي مريت فيها السنه الماضية اشوف ان Bates' الكتاب الصغير كافي وزود بعد حتى الكبير ما يختلف عنه
طبعا انصحك انك تقرأين من اكثر من مصدر لين يتكون الستايل حقك ...
طبعا ما في كتاب احسن من نصائح الدكاتره الي يشرفون عليكم لأنها عصارة خبرة سنين ما نقدر نهملها
حاولي تاخذين هستوري وتعملين اقزامينشن على قد ما تقدرين لأن هذا الي بيعلمك كلينيكل مو الكتب
حالينا بس بيناقشونكم في الهستوري والأقزامينشن اكثر حاجه وشوي مانجمنت حاولي تسجلين كل حاجه تمر عليك وتقرأين عنها لأن غالبا يسألون عنها في الاختبارات
بالأختبار مثل ما قال لك الاخ حسن لا تقولين شغله الا لما تكونين متأكده منها ولا بتفتحين على نفسك ابواب انت في غنى عنها
بالنسبة للنوت اذا حصلت وقت رفعتهم لك هنا
|