تحكي هاذي المسرحية عن قصه عائله هيلمر المكونة من زوج اسمه تورفالد
و زوجه اسمها نورا
و ثلاثه أطفال
عايشين بسعاده و هناء
الرواية تحكي واقع المرأه و الزوجات في اوربا في ذاك العصر وكيف انهم كالدمى في الطاعه العمياء لأزواجهن
نورا ربه بيت و زوجها تمت ترقيته من قريب ليصير رئيس إداره بنك كبير و يزيد مدخوله و هم يعتبرون من الطبقه و الخامه الثرية
نورا تحب زوجها جدا و تطيعه بكل شي و أي رأي له هو رأيها وأي شي يقوله هو الصح و لا لها أي رأي أو سلطه قدامه و بالرغم من حبه لها الا انه يعتبرها شي حقه مقه مختصر مترجم Doll's House
يعني ماتسوي اي شي بدونه و لا لها اي سلطه مهما كانت
المهم نورا لها ماضي من التضحية لزوجها
في بداية زواجهم تروفلد زوجها مرض مرض شديد و اكتئاب وخسر وظيفته و الدكتور نصحها تأخذه للريف الايطالي و كانت مفلسه و أرادت موافقه من أبوها زي الكفاله كذا على اقتراضها فلوس من البنك لكنه كان بعد مريض و بعدها بكم يوم توفى
حزنت كثير على والدها وأكثر على قله حيلتها ففكرت انها تزيف توقيع ابوها على الأذن و سوت هالشي و راحت البنك و استلمت القرض وسافرت به مع زوجها و قالت له انها ورثت هالفلوس من ابوها علشانة رجل ذو كبرياء مايرضى احد يصرف علية
و تم الشفاء و رجعت بلدها و صارت تسدد القرض
الين ما صار زوجها رئيس البنك
في يوم من الأيام جأت لها صديقتها مسز ليندي زياره مفاجئه و هاذي ماشافتها من ايام الدراسه قعدوا يدردشوا سوا و انبسطوا و قالت صديقه نورا لها عن ظروفها الصعبه و حاجتها لوظيفه فنورا قالت لزوجها و زوجها رحب بهالشي
هيلمر الزوج كان ناوي يطرد كروجستاد هذا رجال نحيس أرمل وعنده عيال كانت تجمعه قصه حب مع مسز لنيدي بس ماصار زواج لأنها ضحت بعمرها وتزوجت شايب غني حتى تصرف على اهلها
كروجستاد جاء بيت نورا و قال لها عن تضحيتها قبل ثمان سنوات وكيف انها زيفت توقيع ابوها و ممكن تدخل السجن لو فتن عليها و زوجها راح يخسر وظيفته و سمعته و قعد يهددها
وشرط عليها انها تقنع زوجها يبقية بالوظيفه لكن زوجها مايحبه لأنة سئ السمعه وقيل انه مزور من قبل
حاولت حاولت بس دون جدوى و اشتكت هالشي لصديقتها
كروجستاد انطرد فرجع يهدد بس هالمره يبي يرجع الشغل بوظيفه أحسن بعد وإلا بيترك رساله فضيحتها في صندوق بريد زوجها
و صار و ترك الرساله و في نفس الوقت صديقتها طلبته مايفضحها و كيف انها تحبه بجد و مستعده تصير زوجته و كروجستاد مره انبسط و قال يلا نتركهم و نروح بس خبري نورا اني حطيت الرساله و ابي اشيلها قالت لأ خلها هم ازواج و حبل الكذب قصير لازم تعترف لزوجها
و نورا ميته بحسرتها كيف بيسود وجهها قدام زوجها و طول اليوم و هي تدلعه و خذته حفله ورقصت بس علشان تأخره مايفتح بريده لكن كل هذا مامنعه و شاف الرساله و عصب جدا جدا منها و شتمها و هزأها و قهرها
نورا ماتحملت وقالت انا ماسويت هالشي الا علشانك و انت ماعمرك عاملتني كما أنا دوم تشوفني دمية و كآثات من البيت و فسخت الخاتم وقالت خلاص ماعاد لي قعده في هالبيت
بطلع اشوف العالم أدور عن حقيقتي وشخصيتي بدون الحاجه لرجل
وانتهت قصتها بكذا انها تركت زوجها وعيالها