الله يعين اللي للحين متلخبط بهالمسائل ومعذور ..
لكن لما يفهمها مره وحده رح ترسخ على طول .. انا تأكدت من احد الاساتذه في حالة التمكن من معرفة المطلوب من السؤال وتطبيقه على الجدول تكتفي بالجدول ( المشكله عند الاغلبيه كيف اعرف المطلوب بالسؤال)
فيه تقريبا ست اسئله بهالخصوص ..
اولها يسأل عن القيمه المستقبليه وماراح يذكر المستقبليه بلاختبار لكن السؤال بيجيك بصيغة
شركة الجامعه استثمرت مبلغ 3000 لمدة ( سنتين) بمعدل فائده 10% .. اذكر المبلغ الذي ستحصل عليه الشركه بعد سنتين .... ( طبعا المهم هنا وللي يتلخبط فيه الجميع هو يبي الجدول 1 ولا 2 ولا 3 ولا4 ؟
اولا اغلب الاستخدامات على المسائل رح تكون بين 1 و 3 .. نادرا بيكون استخدام 2 او 4
نرجع للسؤال طلب سنتين يعني بالمستقبل وماذكر بالسؤال القيمه الحاليه يعني هذا يبي الجدول رقم 1 ؟ لانه لو يبي الجدول المستقبلي رقم اثنين كان ذكر بالسؤال نهاية كل عام ؟؟ لاازم لاازم يذكر نهاية كل عام
نروح للجدول رقم واحد نشوف كم قال سنه ؟ قال سنتين نروح لسنتين وكم ومعدل فاءده 10% نروح لعشره بالميه رح نلقاها بالصفحه الثانيه للجدول رقم واحد الرقم المتقاطع بين السنتين ومعدل الفائده بيكون 1.2100
يعني 3000*1.2100 = 3630 ...
سؤال ثاني شركة الملحم تقوم باستثمار مبلغ 6000 في ( (( نهاية كل عام ))) بمعدل 4% ماهو المبلغ المتجمع للمنشأه بعد 3 سنوات ..؟ المبلغ مذكور ومعدل الفائده مذكور وعدد السنوات مذكور ..ومذكور في نهاية كل عام ؟ لا ذكر قيم حاليه ولا شي دام كذا الجدول رقم 2 لانه اللي يتشابه معاه بنهاية كل عام هو جدول رقم 4 وهذاك مانروح له الا اذا كتب نهاية كل عام واخر السؤال القيمه الحاليه
عموما .. نروح لخانة الثلاث سنوات وتقاطعها مع فائدة 4% بالجدول رقم 2 زي ما قلنا .. لانه طلب نهاية كل عام وبصيغه مستقبليه ومو شرط تحفظها بهالطريقه خلاص دامه ما قال قيمه حاليه اذا هو يا 1 او 2 ؟ دامه قال نهاية كل عام اذا جدول 2 لو قال لمدة سنتين او ثلاث او اربع يكون رقم واحد الجواب نضرب المبلغ 6000*3.1216=18729 .. الاجابه طلعت كسر على طول نضغط على علامة sd بالحاسبه بيروح الكسر
سؤال ثالث اقدمت شركة الفيصل على الدخول في مشروع استثماري يدر عليها مبلغ 2000 بعد سنتين من الان فماهي ((( القيمه الحاليه))) لهذا المشروع اذا كان معدل الخصم او الفائده 10%
هنا ذكر بالسؤال القيمه الحاليه اذا يا جدول 3 او 4 ؟ وذكر بعد سنتين يعني جدول 3 حلووو
كم السنوات سنتين نروح للسنتين بجدول ثلاثه ونشوف تقاطعها مع 10% يطلع الجواب 2000*0.8264=1652
سؤال رابع ..... اذا كان استثمار شركة الراشد يدر عليه تدفقات ماليه بمقدار 2000 (((سنوياً))) ولمدة ثلاث سنوات علما بان معدل الخصم او الفائده 6% فماهي (((( القيمه الحاليه)))) للتدفقات النقديه لهذا الاستثمار ..
ياسلااام .. سنويااا ؟؟ وقيمه حاليه ؟؟ يعني جدول4 وتقاطع الثلاث سنوات لانه ذكر ولمدة ثلاث سنوات ... تقاطع الثلاث سنوات مع معدل الخصم او الفائده وهو 6% ... نروح للسنه الثالثه ونشوف تقاطعها مع 6%
الجواب 2000*2.6730 = 5346 .. كرر هالمسائل اكثر من مره بتلخبط مره ومرتين لكن رح تتعودل وتعرف انه اذا ذكر سنويا عندك جدولين 2 او 4 .. الفرق اذا قال قيمه حاليه ناخذ اربعه اذا ما شفنا بالسؤال قيمه حاليه على طوول 2 .... والجدول 1 و 3 دايما متطلباتهم استثمار لمدة سنتين او ثلاث سنوات او يدر مبالغ بعد سنتين او ثلاث سنوات ... ونفرق بينهم اذا طلب القيمه الحاليه يعني الجدول 3 لو ما شفناها بالسؤال على طول جدول 1 ..
فيه سؤالين او ثلاث اسئله باقيه بهالموضوع وسهله
الاول .. تقدم احد رجال الاعمال بطلب منحه او سلفه بمبلغ 2000 على ان يعيدها 4000 بعد اربع اعوام فما هو العائد اللي بيدفعه رجل الاعمال ؟؟؟
قال عائد وبعد اربع اعوام ؟ العائد بيكون للجدولين 1 او 2 والتعدد بالسنوات ل لجدول رقم واحد لو قال سنويا على طول رقم 2 ... كيف نطلع الجواب بكل سهوله من الجدول ايضا نقسم الكبير على الصغير للارقام وغالباا غالبااا بيكون الناتج 2 ..4000 تقسيم 2000 = 2 .. على اي عدد سنوات سأل ؟؟ اربع سنوات حلو نروح لخالة اربع سنوات بالجدول رقم واحد لانه سأل عن تعداد السنوات وليس سنويا ... جدول رقم 1 السنه الرابعه ونمشي بيطلع لنا اول شي 1.0406 وبعده 1.0824 الخ الخ الخ لين مانجي عند 1.9388 وبعده 2.0736 .. نوقف عندهم ونطلع فوق بخانة 1.9388 بتكون معدل الفائده او الخصم الموجود 18% و 2.0736 بيكون 20% ... مسسستحيل يذكر بالاجوبه الثنتين لازم وحده من النسبتين وكلهم تقريبا صح وبتكون الخيارات زي ماكان في اسئلة العام 18.92% و 12.15% و 17% و 16.52% ؟ الجواب بيكون يا 18% او 20% وبالخيارات نشوف انه موجود النسبه بينهم وهي 18.92 هي الجواب الصح ... لا اله حاسبه ولا هم يحزنون ....
اسف على الاطاله لكن انا ما قدرت افهم الا بهالطريقه وحاولت ابسط قد ما اقدر عشان اللي مو فاهم يستفيد واعتذر اذا ماتوفقت ب الشرح ... لو فيه احد فهم على هالشرح ويبغى يعرف المسائل الباقيه يعلمني وكلها جداول ويفتـك من المعادلات ...