المشاركة الأصلية كتبت بواسطة طالبة عبقرية

أولا الأدب واجب مع أي إنسان سواء دكتور أو عامل نظافة .. الإسلام نهى عن السباب و التجريح و الغيبة .. المسلم من سلم المسلمون من لسانه و يده .. هذي ما نختلف فيها .. لكن كون فيه ناس غلطوا على الدكتور هذا ما يعني إنه مو غلطان و عمل مشكلة كبيرة بأسئلته .. فعلا أسئلته غير طبيعية بشهادة عشرات و عشرات الطلبة في المنتدى .. ما أتكلم عن القلة القليلة اللي ذاكروا أسئلة نذير .. الأغلب ذاكر من المحتوى الجديد و برضو نقول الأسئلة فيها تحدي و تعجيز .. ايش تسمين سؤال اليابان الهندرة و الجودة !!!!!!!!!
أنا مستوى ثامن إنجلش باقي لي مادتين و أتخرج .. اختبرت في 130 مادة و معدلي ممتاز ماشاء الله .. أعرف إيش يعني اختبار صعععععب .. الطبيعي يكون فيه تدرج في مستوى الأسئلة لمراعاة الفروق الفردية .. و فرز المتفوق عن الوسط عن المهمل .. ضروري أي اختبار يكون فيه فقرات صعبة .. و ضروري كمان يكون فيه فقرات سهلة بعدد كبير عشان الطلاب اللي مستواهم عادي يكون عندهم أمل في النجاح .. لما تكون أغلب الأسئلة تعتمد على الحفظ المحض هذا ايش تسمينه .. احنا قلوبنا مو كتب .. مو طبيعي تكون كل الأجوبة متقاربة جدا و يكون كذا سؤال يحتوي على أكثر من جواب صحيح !!!؟؟؟
الواحد مذاكر و مستعد بس مو لدرجة انه يكون حافظ طبق الاصل و تجيب له اجوبة ثانية مرادفة للمعنى المفروض يختار صيغة الكتاب !!! يكفي الفهم مع الحفظ اليسير .. هذا في النهاية انتساب و الاختبار موضوعي .. يعني لو مقالي أسهل لنا ع الاقل الواحد يعبر بفهمه و تنحسب له درجات !!!
هذي ماده طويلة و موضوعاتها متشعبه و متشابهة .. غلط إنه يختار كل الأسئلة اللي فيها لبس .. ليش الشر هذا كله .. الطبيعي ان الاختبار ما يقل فيه عن 30 سؤال سهل و الباقي يصعب براحته لتمييز المتفوقين .. المشكلة محتوى المادة أي كلام .. أول غلط فيه إنه كل مره يكتب كلمة نموذج يكتبها كذا نموزج ههههههه بحرف الزاي و ليس الذال ؟؟؟!!!!! يعني كيف صار دكتور و هو ما يعرف يكتب نموذج !!!
محتوى ركيك و أسئلة معقدة!!!! و أيضا ما يشرح أبد فقط يقرأ .. غيره شرح ممتاز و أسئلته منطقيه .. مو الهدف رسوب الطلاب الهدف التأكد من فهمهم للمادة و تمكنهم منها .. فعلا الاختبار كله ملغم و كل سؤال فيه فخ !! مادة عامة و مستوى أول !!!!!