ملتقى طلاب وطالبات جامعة الملك فيصل,جامعة الدمام - عرض مشاركة واحدة

ام خالد 2010 · 2010- 6- 29

اقتباس:

المشاركة الأصلية كتبت بواسطة alnooore

بسم الله الرحمن الرحيم
السلام عليكم ورحمة الله وبركاته
حابه استفسر عن بعض الامور ويالييييييييييييييييييت ويااااليييييييييييييت تجاوبوني عليها
بالنسبه لتسجيل في الانتساب والتعليم عن بعد
1- انا متخرجه من الثانوي عام 1423/1424 ومعي شهادته دبلوم حاسب الي من كليه خدمه المجتمع
اهم شي يقبلوني ولا لا سواء كان بمعادله مواد او بدون معادله مواد.؟ انا ابي اكمل بكالوريوس
سمعت وشفت ردود تعور القلب يقولون فيها لا يمكن لخرجين الدبلوم اكمال الدراسه ليه...؟ ابي اتاكد

لا حبيبتي غلطانين الي قالوا لك .. يقبلونك وهم يضحكون بعد .. وبعدين انا قلت قبل كذا هم كل الي عليهم جيبك وبس .. يعني بتدفعين لهم بيقبلونك .. ايا كانت سنة تخرجك .. بس بشرط لو تبين تسجلين تدخلين بشهادة الثانويه .. لو كانت من عهد الديناصورات .
وبعدين انا خريجة دبلوم ومعاهد ودورات .. بس طبعا مافي معادلة لموادي لانها من اكاديمية ..

2- انا في مدينه الرياض اذا تم تسجيلي وقبولي في الجامعه يارب ياكريم فيه مركز اختبارت في الرياض وهل فيه دفع رسوم للاختبار بنفس المدينه اللي اعيش فيها يعني (ادفع مبلغ وقدره ...تختبر في الرياض ماادفع اروح لمقر الجماعه عشان اختبر)

حبيبتي لو كنتي تدرسين بوداي قريع ....>> وين هالمنطقه .. بتقدرين تسجلين معنا .. الجامعة الله يعطيها العافيه ماقصرت فتحت بكل مناطق المملكه فصول للامتحان فقط ..

ومن ناحية الرسوم لا حبيبتي ببلاش تمتحنين بالمنطقه الي تبينها .. طبعا اقصد رسوم المدرسه الي تمتحنين فيها .. اما التسجيل بالجامعة بفلوس . طبعا ..

3- رسوم الترم الاول مثل ماسمعت وقريت 2465 ريال لترم الاول شامله دراسه المواد ولا تعتبر رسوم ترم فقط ,غير رسوم المواد المقرر دراستها ؟؟

الرسوم كامله 2475 ريال .. لان احنا بالاول دقعنا 2465 وبعدها طالبونا ب10 ريال تخيلي ..طبعا هالرسوم شاملة كل شي .. طبعا ماغير الكتب تشترينها على حسابك لو طلبها الدكتور منك.

وبالنسبه للترم الثاني وباقي لسنوات مثل سمعت انها تحسب سعر الساعه للماده فقط 165ريال بدون رسوم اضافيه للترم؟

صحيح حبيبتي .. يعني كل مازادت المواد الي سجلتي فيها تزيد الرسوم عليك .. باعتبار ان كل مادة ب3 ساعات .

معليش على الأسئله حابه اتاكد لان ماابي اسجل للاجامعه وبعيدن انصدم في رسوم اضافيه
هل يعطا لطالبــ/ه الانتساب بطاقه جامعيه وهل لها رسوملاصدارها و استلامها ..؟؟

لابطاقه ولا هم يحزنون .. مافي شي غير شهادة تعريف بالطالب تطبعينها من الموقع وتسلميها للجهة الي تشتغلين فيها لو كنتي موظفه .. عشان تثبتين لهم انك طالبه بالجامعة .

هل يوجد كتب الزامي شراءها من الكليه .؟ اذا كان (نعم) هل لها رسوم معينه؟

طبعا في كتب ,, بس على حسب الدكتور .. في بعض الدكاترة ماطلبو الكتاب .. بعضهم اكتفى بالشرايح الي هو حطها والمحتوى .. وفي بعضهم طلبوا الكتب .. طبعا الكتب تشترينها من اي مكتبه عندكم .. عاد قعدي حوسي عليهم من مكتبة لمكتية وانتي وحظك .. ورسوم تتفاوت في بعضهم باقل من 100 .. الا كل الي شريناهم اقل من ميه للكتاب الواحد ..
هل راح يكون فيه زياده لرسوم في السنوات الجايه.؟يارب لا يااارب :praying: عشان الطالبــ/ه يقدر يكمل بكل ارياحيه وميزانيته ما تنخسف بالارض خاصه اذا عنه التزامات ماليه.

شوفي حبيبتي .. احنا بالترم الاول الزامي خذنا المواد كلها وهي 5 مواد بقسمنا .. ودفعنا عليها 2475 ريال .. طبعا بالترم الثاني على حسب المودا الي راح ينزلونها .. يعني لو نزلوا لنا 7 مواد طبعا لو كنتي متفوقه بالترم الاول وجبتي نسبة 4 وفوق راح تقدرين تسجلين المواد كلها .. عاد عليك الحساب ... على اساس كل ساعة ب165 ريال وكل مادة ب3 ساعات

بصراحه انا موظفه ونفسي اكمل دراستي وبالنسبه لاسعار الجامعات كجامعه الملك عبد العزيز قبل فتره كان الترم 3000 ريال والان اصبح ب 4000 ريال غير سعر الكتب اذا تبي يرسلونها لك تدفع 300 ريال وغير اذا تبي تختبر في نفس المكان اللي تسكن فيه غير سعر بطاقه الجامعيه ... وربي حرام الواحد يالله يلقى وظيفه وراتب يالله يكفيه ويصير حلم حياته يكمل دراسته وفي الاخير يسدونها في وجهه
اتمنى ما تواخذوني على الاطاله ... ابي طالبــ/ه يدرس حالياً في جامعه الملك فيصل انتساب او تعليم عن بعد ويجاوب على اسالتي بكل توضيح تااااااااااااااااااااااااااااااااااااااااااااااااا ااام ومفصل او اي احد مسؤل فاهم

شاكره لكم حسن تعاونكم وتجاوبكم

حبيبتي الحمدالله ان مشكلتك انحلت معنا .. والجامعة الي طلبته منا فقط سعر المواد .. وسعر الكتب مثل ماقلت لك اقل من ميه لو .. هذا لو شريتي الكتاب .. في طلاب الله يعطيهم العافيه ماخلونا نحتاج لكتب .. لانهم نزلوا لنا ملخصات والدكتور ينزل محتوى .. وان شاء الله راح تلقون تعاون كبير بالقسم باذن الله .. لو كانت مثل دفعتنا بصراحه ..

واي سؤال انا حاضره لك ..