ملتقى طلاب وطالبات جامعة الملك فيصل,جامعة الدمام - عرض مشاركة واحدة

..ابوحنان.. · 2014- 12- 27

اقتباس:

المشاركة الأصلية كتبت بواسطة ..ابوحنان..

العفو وفال الجميع إن شاءالله +a

والشكر لصمتي اللي جابتلنا الأسئلة مع إني أحس إنه مثل دكتور النحو يعتمد على الفهم ولايكرر الأسئلة

توقعت إنه يعتمد على الفهم ولا يكرر الأسئلة وقلتها قبل كذا على دكتور فقه اللغة والنحو

أنا ما أهتم بالأسئلة كثير لكن أحرص كمساعدة للراغبين فيها وخصوصا اللي ماعنده وقت يذاكر... لكن لا تحرصون على الأسئلة بقدر حرصكم على الإلمام بالمنهج أو 80% على أقل الأحوال.

أول مادخلت الجامعة لاحظت بأول اختبار إن الجميع يبحث عن الأسئلة الماضية لأن دكتور المادة معروف يكرر .. وطنشتهم وجلست أذاكر واختبرنا وجا من أسئلة السنة اللي قبلها حدود 40 فقرة وفرحوا الطلاب وأنا حليت ممتاز ...
مسكت الملزمة وطلعت أسئلته لسنتين ونصف لقيته ما غطا نصف المنهج يعني لو غير الأسئلة كان راحوا فيها الطلاب ...

أنا بديت أحسب : لو الملزمة 50 صفحة كمتوسط ... من الطبيعي أن تجد في كل صفحة كمتوسط 10 أسئلة
10 (عدد الأسئلة بالصفحة) * 50 (عدد الأسئلة النهائية) = 500 ....... يعني الدكتور اللي مايكرر في السنتين والنصف الأخير (كل ترم50 سؤال) غطا تقريبا أكثر من 90% من المنهج والدكتور اللي يكرر ما غطا ولا نصف المنهج ، تحديت بعض الزملاء إنه أنا الدكتور اللي مايكرر بذاكر أسئلته والدكتور اللي يكرر بذاكر المنهج كامل جلسوا يضحكون والأربع اختبارات اللي بعدها أخذت فيها درجات عالية جدا واهم حاسوا بمادتين..... لأنه منطقيا اللي ماكرر من وين بيخترع أسئلة والمنهج محدود واللي كرر العكس عنده مساحة يغير الأسئلة بنوع جديد يفاجأ العالم

وتقريبا من بعدها إذا كانت الأسئلة موجودة شيكت عليها وإلا ما أهتم أبحث عنها بشكل كبير إلا إذا أنا بقرأ أسلوب الدكتور وطريقته مثل ماتوقعت دكتور النحو والبلاغة وفقه اللغة عشان أحاول آخذ حذري وأعرف أسلوبه واهتمامه