ملتقى طلاب وطالبات جامعة الملك فيصل,جامعة الدمام - عرض مشاركة واحدة - اسئلة اختبارات لكل من ظلم الدكتور إبراهيم المحبوب..

همس العسيري · #1 2014- 12- 27

السلام عليكم ورحمة الله ..
الكتاب واضح من عنوانه دخلت الملتقى تفاجئت بالعدد الهائل اللي يتذمرون من الاختبار ..
اول حاجه حقولها خافوا ربكم ف اللي جالسين تقولونه هذا ظلم كبير بحق دكتور مثل دكتورنا الفاضل اللي أقف له احتراماً لكل اللي سواه معانا .. انا عارفه ومقدره للي مقهورين من الماده عشان ماحليتوا كويس ولكن تذكروا الظلم ظلمات يوم القيامه ودكتور فاضل مثل الدكتور ابراهيم مايستحق مننا الا الدعوه الصادقه والسمعه الطيبه ..
هو ماقصر ووضح الاختبار وطريقته ووضع بين ايدينا الاجابه مابقى الا يجي ويحل بدالنا سوا اشياء كثير ماحد سواها ويكفي نزل محاضرة المراجعه وانا أشهد امام الجميع انه ماقصر ووضع الاختبار بين يدينا ولو كان هناك اهمال ف هو من الطلبه اللي يبون شهاده بس عشان وظيفه او او .. يفتح الملخص ويذاكر ومايدري وين الناس لو دخل وحضر مع الدكتور ويدري وين الناس عرف يحل وماشفنا النتيجه السلبيه هذي لكل ماصلحه الدكتور معانا .. حرام ينظلم دكتور صلح لنا اللي ماصلحه احد عشان اهمال طلبه ولو اطلعت ادارة الجامعه ع مراجعته وعلى اسئلته راح يعرفون سهولة الاختبار وبيحله حتى اللي اصغر مننا واضح م يبي له (للي ذاكر وتعب شوي) واللي يقولوا ذاكرنا وتعبنا كلنا تعبنا وذاكرنا 3 ايام تعب وجهد متواصل حتى النوم مجافيني والحمدلله حصدت نتيجة التعب المفروض الواحد من البدايه يتابع مع الدكتور ويعرف وش قال ووش حيكون الاختبار عشان يعرف يجي يشتكي .. اخيرا اللي يقولوا انه ماجاب من المنهج وجايب بس قطع احنا تعبنا ع الفاضي اول حاجه انتو طلاب تخصص واحنا المستفيدين من هالتعب والحفظ لاننا (طلاب تخصص) والمواد الجايه حتعتمد ع المستويات هذي وعلى حفظنا وفهمنا لها يعني التعب ماراح ع الفاضي ابدا احنا المستفيدين وهالكلمه انا ماحسيت فيها الا بعد اختبار القراءات لما كلمت الدكتور يوضح وش المهم مارضي وقال انتوا طلاب تخصص وفعلا فهمت كلمته لما استفدت من الاشياء "اللي ماجات ف الاختبار" ثاني شيء واللي ابي اوضحه للي قالوا ماجاب الاختبار من المنهج مادتنا (انشاء وتعبير) يعني نفهم كيف الانشاء والتعبير نعرف كيف لوجاتنا قطعه كيف نكتبها طول المستوى يعلمنا ويشرح واخر حاجه يختبر فهمنا للماده بقطع مابيجيب لك الشرح اللي قاله وانا اتحدى ثلاث ارباع اللي قالوا ماجاب من المنهج لو حلو زين لو انه جاب من المنهج وهو اصلا قال من البدايه القطعه من برا اشوف ماحد اشتكى دكتور الاستماع مع ان القطعه من برا اغلب مستوانا قطعه من برا وهذا اللي وضح كل حاجه ووضع كل شيء بين يديكم تشتكونه! غريبين صراحه واخذتوها عليه حجه وانا اشهد له انه ماقصر وكل ماصار اهمال من الطالب وانا تركت مذاكرة مادة بكره عشان ماقدرت اشوف كل هالظلم واسكت نعرف ماحليتوا وتبون بالتظلم الجامعه ترفع الدرجات بس مو ع حساب ظلم كبير لدكتوور كبيير وفاضل ...وراكم حساب وعقاب و"درجات" اخره انتبهووا وكفاكم ظلم الظلم مو زين ودعوة المظلوم مستجابه حتى لو كان كافر ... اعتذر للاطاله واشكر الدكتور كل الشكرر ووفقه الله لما يجبه ويرضاه ..