الأسئلة كانت سهلة بالنسبة لي نوعا ما و الحمد لله

لكن!!!!! الاختبار من جد تافه و أنا فاهم قصد الاخوان من عدم رضاهم على الاختبار لانه من جد كان محكور على بس 4 خيارات لكل شيء، يعني حتى للشخص الي مذاكر يبدأ يشكك بعمره بعد فتره

و بالنسبة لي أيضاً، صادفتني صعوبه في اختيار الاجابة الصحيحة "كوني ما قرأت قطع الماده أبداً لأني فاهم الانجليزي و بالنسبة لي الاختبار سهل" لكن الاختيارات كانت بعض الاحيان المفروض الاجابة الصحيحة تكون كلهم او اثنين منهم صحيحه! للي ما قرأ القطعة من قبل يقدر يكون جمل منها بأي خيار من الخيارات لكن هو لا يبغاني أختار الي مكتوب بالكتاب! مسخره الكلام هذا

مثلاً لو بالعربي نقدر نقول

"اشترى محمد _____ المحل"

أ- فراغ
ب- من
ج- كعك
د- في

الآن العاقل هنا راح يجي و يقول نقدر نخليها فراغ بحيث تكون "اشترى محمد المحل" لأنه اشترى المحل بكبره

أو آخر يقول لا "اشترى محمد من المحل" شنو شرى؟ ما ندري، المهم انها جملة صحيحة!

يجي ثالث و يقول لا "اشترى محمد كعك المحل" لأن الكعك من المحل، و كل الاجابات الثلاثة صحيحة ما عدا الأخيرة! و في هذا الاختبار الغبي فيه شغلات كثيره مثل كذا! يعني لو أنا ما قرأت القطعة التي تتحدث عن محمد و ماذا اشترى بالضبط؟ فلن أعرف أجاوب في هذا الاختبار!