ما قصدي أخوفكم والله بس أبغى الكل يستانس و ينبسط بمعدله
كلامي الي قلته قبل موجه للي طول الترم نايمين و قبل الاختبار بيوم أو يومين يجون يسألونا وش حدد الدكتور
و يبغونا نحدد لهم وش يذاكرون من المنهج
و ما يعترفون بمذاكره المنهج كامل ، يبون بس يحفظون شيء بسيط ، قطعه أو كلمات أو أسئله الأترام السابقه ..
و يعصبون علينا لما نقول لهم ذاكروا كل شيء ، احنا مثلنا مثلهم ما نعرف وش بيجي في الاختبار ..
و لما يختبرون و يطلع الاختبار معتمد على فهم الطالب للمنهج كطالب في المستوى الرابع يجوك في الملتقى
يقولون ملتقاكم ما ينفع ، و يروحون يشتكون بعد كل اختبار لأنهم ذاكروا من قطعه أو كلمات و ما جات ..
المصيبه أن المناهج في كل المستويات مترابطه ، تعتمد على الي درسناه في المستويات السابقه
سواء فهم أو حفظ ، يعني لو الواحد مشى حاله في سنه أو سنتين مو بالضروره بيكمل السنوات الأربع بأسلوب تطنيش المنهج كامل و اللجوء لأساليب ثانيه.
ماحد بيرضى يوصل سنه ثالث و يبدأ يحمل مواد كل ترم و يكتشف أن هالقسم مو مناسب له ..