|
رد: شكوى او اعتراض على قسم سكرتاريه طبيه ونسخ طبيه
السلام عليكم
الصلاة والسلام على اشرف الانبياء والمرسلين نبينا محمد صلى الله عليه وسلم.. اما بعد
اول شي انا سمعت بهالمنتدى قبل يومين ووحده من البنات أكدت لي انه يتكلم عن مشكلة القسم
شخصياً ما توقعت هذا الصدى الهائل و التفاعل البناء مع مشكلة القسم!! مدري يمكن حلمانه اخاف حلم
حلم اصبح حقيقه
البنات كتبو وفو بلاخص فوشيه مبرقعه حبيبة قلبي والله و حبيبتي الثانيه ورد
صج اني مااعرف اساميكم بس اتوقع اني اعرفكم واكبر تحية لكم اخواتي والله
قبل لا اكتب شي احب انوه العام كتبنا عن مشكلة تخص السكرتارية الطبية بجريدة اليوم
بشهر صفر /3/1428هـ الله وكيلكم محد رد ولا كانه احد درا بالموضوع..شكراً لهم
انا خريجه من القسم واضم صوتي لصوت البنات اللي قبلي كلهم.. وشهادتي مع كلامهم
الواقع مضحك مبكي .. على انه نتغربل بالقسم حتى حفل التخرج مالنا نصيب فيه لول
يمشونا اسامي غلط ونصيب الاسد لطالبات الطب.. والله جد لا احد يتفائل بحفل التخرج
حفل مااعطي حقه كطالبات!! يمشونه يلالالا يلالا تحركي لا تتكلمي يلالا .. امحق احتفال!
اي اتكلم عن حفل التخرج لانه على الاقل ثمرة جهد نبي نشوفها. كل الجامعات تكرم خريجاتها
واحنا بس يكرومون الاوائل؟ وبنات الطب تحديداً
اكمال الدراسه.. فيه مسئول الله يهداه بس .. العام ناقشناه عن قضية البكالوريوس
رد علينا بكل برود روحي البحرين وكملي ادارة مستشفيات ماهي مشكله.. كان ودي اقوله
خلاص درسنا من جيبك وتكفل تودينا البحرين.. بذمتكم هذا رد؟؟ مسئول جامعي يرد على خريجات
بهالطريقة.. ياليت جبر خاطر على الاقل
التوظيف انا انسانه جربت كل القطاعات. اول سؤال : ليش ما تتوظفين بمستشفى؟؟؟
على اساس تخصصنا طبي طيب تخصصي سكرتارية وكومبيوتر وانجليزتنا غصب كويسه
ولا الرد الثاني: طيب انتي دارسه انجليزي( طبي) يخص المستشفيات:s12: ؟؟
بذمتكم هذا رد؟
تبون اللي تكلحها وعمتها. اللي بمستشفى الظهران التخصصي للعيون بنات كثير عانو بس نكتب
مضحك مبكي. قالو المديريه فيه وظايف شاغرة بمستشفى التخصصي للعيون بالظهران
الله يسلمها اللي اجرت المقابله. ++ لا للتشهير بس عفواً هذا شي صار++ لاربع بنات
:s3:
تركت الملف كله و الركوميندشن اللي بالملف واللي جمعوها من الانتيرن ووقفت على المعدل!!
قالت المعدل نازل يعني اكيد ما تدرس البنت.. طبعاً مقابله شخصيه ( مقابلة شخصية بكل مكان يسألون عن الاهتمامات بس هذي كانت مختلفة) وكانت عبارة عن اختبار بالمصطلحات
الطبية وتقول كيف الكتابة على الكومبيوتر قلنا 55 كلمة بالدقيقه قامت واختبرتنا نسخ طبي!!
نكتب تقرير بـ10 دقايق!! دكتور هندي!! اول مره نسمع صوته.. طبعاً النتيجة الي استنتجتها العزيزة انها احنا ماعندنا سرعة بالطباعه( النسخ الطبي هو عبارة عن سماعات على الاذن مثل المسجل وتطبع كل شي ينقال)=== تخيلو واحد دكتور هندي الراء عنده فااء يجيب العيد
نطبق بمستشفيات كلها طيب الاولى نتوظف؟ مستشفى الملك فهد الجامعي شنو صار!! ليه مافي وظايف
احنا منسوبات الجامعة!!.. قسم بالله هم × هم.. ولا انتيرن ولا يحزنون استغلالالال يحطونه بأماكن
محد درب اعطيكم ضمان هذا اللي صار. ولا احد تابع لالا نكمل شغل ناس ما كملوه وربي هذا اللي قاعد يصير
ياجماعة الخير التفتو للموضوع
جماعة الخير.. الم والله شي مؤلم محد يصدقه.. تخصصنا صعب ومجال صعب بس مافي وعي!!
اللي حولنا يعتقدون سكرتاريه طبيه ومشى الموضوع.. تقارير طبيه ومشى الموضوع!!!
دراستنا صعبه ياجماعة الخير وربي صعبه!! خلفية طبية 100% جهد 100% .. نازل المعدل
طيب شاسوي اذا حظي كذا تعبت ادرس ادرس واعيد اللهم لا اعتراض.. وترى والله جاتنا فترة
مدرسات مش كفوء!! فلبينيه ما تدري وين الله قاطها عندها طب باطني تدرسنا نسخ طبي!!
تقول اصغار ما يعرفون شنو نسخ!! اي نعم هذا الكلام اللي لازم يوصل . لما جات وحده جزاها الله خير
وابوها تكلم وطيرها( فيتامين واو)..
قالو بيعادلونا مع قسم ( ادارة معلومات صحية) طيب هذا في جهه وتخصصنا في جهه!! ( طبعاً ما حصل شي)
تخصصنا يتكلم عن الصحة وادارة المستشفى و يسمونه علوم صحيه اخصائية ادارة صحيه!! مش اخصائية معلومات صحيه.. في فرق يا جماعة الخير
انا ماابي بكالوريوس اي شي يسكتونا
ابي يتعدل مسمى القسم ويسمونه(Health Care Mangement) نهتم بالصحه والله لو اكتب شنو ندرس
يشيب الراس!!
انا مااقول غير حسبي الله ونعم الوكيل قدر الله وما شاء فعل
هذي ذمه وتقع على عاتق الجامعة.. بيسألون يوم القيامة عنها
يبط جبدي. اللي تدرس ما تنجح واللي تبرشم تنجح!! عيني عينك تشوفها المدرسة ما تسوي لها شي
بس انه شافت الفقيره سوت لها اشهار!! شنو هذا رشاوي مااستبعد غش مااستبعد
تسقيط بدون سبب؟؟ انا متاكده بمادتين ليش لانه المدرسة اول مره ماكانت تحبني والله اعلم
والثانيه نفس الشي الكوزات فل مارك ومدري وين العلامات طارت بالفاينل.. هذي سالفه
علي الطالبة مادة ما تروح تطبيق لا لالا تنثبر لبعد سنة!! :bngo12:حرام العمر يضيع ولا يمدي تسوي شي
وكان المشكله بتنحل يارب يوفق هالمنتدى وكل من فيه ويوفقك يا بو احمد وينورها عليك ياارب
ويالله يارب تنهي المشكلة على خير
فمان الكريم جميعاً
جزا كل من قام على هالمنتدى بالخير
|