ملتقى طلاب وطالبات جامعة الملك فيصل,جامعة الدمام - عرض مشاركة واحدة

zaki7265 · 2014- 12- 29

اقتباس:

المشاركة الأصلية كتبت بواسطة ♥ ησσпị

-

وعليكم السلام ، اول شي ياقلبي روقي وصفي بالكِ وكل شي راح تفهمينه ب سهوله .
بالعكس مافي اختلاف في شرح ملفي واحمد فرحان ، انا كنت ماخذتها عند احمد لكن قدر ربي ان
تصير عندنا حاله وفاه ف ماقدرت احضر الاختبار لكن الاختلاف بينهم ملفي مسهل المنهج وحاذف اشياء
لكن احمد من ناحيه شرحه فهو ممتاز يوصل لك المعلومه بسهوله حتى لو كانت معقده .

شوفي ياقلبي مختصر الكلام " نقاط بسيطه توضح التفاضل والتكامل "
التفاضل ، راح يجيب لكِ مثلاَ ايراد كلي أو تكاليف كليه أو ربح كلي حلو ؟ وراح يطلب منكِ تجيبين
الايراد الحدي أو التكاليف حديه يعني بيكون من كلي الى حديَ ، من اسمها كليي الى حدي يعني اطرح
لان ابي احول من كبير الى صغير . يعني انزل الاس قدام x واطرح من الاس 1 .
مثال بسيط : 2x^3+2x لو قلت لكِ هاتي مشقتها او تفاضلها ؟ ناخذها حبه حبه .
( 2x^3 ) ننزل الاس 3 بيصر 2*3 =6 ، ونطرح الاس 1 بيصر x^2 يعني يصير عندنا الحد 6x^2
الحد الثاني ( 2x ) ، ننزل الاس اللي هو 1 بيكون 2*1 =2 ونطرح من الاس 1 = 0 يصير عندنا 2 .
بتصير الداله = 6x^2+2

هذا مختصر الاشتقاق ( تفاضل ) .
طيب الحين التكامل عكس التفاضل هناك كنا نطرح الاس ونضرب الاس القديم بمعامل x
التكامل عكسه نضيف على الاس 1 ونقسم معامل x بالاس الجديد .
وغالبا لو جاب لكِ حديَ راح يطلب كلي اللي هو تكامل . مثل عشان توضح لكِ لصوره .
الداله = 4x^2+4x^3 ناخذها طرف طرف .
( 4x^2 ) اول شي نضيف على الاس 1 بيصر x^3 ونقسم الاس الجديد على معامل x اللي هو 4 بيصير هالطرف
( 4/3x^3 ) نجي الطرف الثاني ( 4x^3 ) نضيف الاس 1 يصير 4 ونقسم الاس الجديد على معامل x
4/4 = 1 بيصير هالطرف x^4
الداله بتكون بعد تكاملها : 4/3x^3+x^4
وبس الموضوع سهل روقي بالكِ وركزي وراح يصير الموضوع مافي اسهل منه واي حاجه حابه اوضحها من عيوني

بصراحة شرح ولا احلى يا ريت في وقت كفاية كان قلت لك اشرح المادة

:d 5: