المواد في كل مستوى قاعده تزيد صعوبة عن المستوى
اللي قبل ..

*نصيحتي إنكم تذاكرون أول بأول وإذا ما قدرتوا، ابدئوا مذاكرة على الأقل أسبوعين قبل الإختبارات.
*تدربوا على اللغة الإنجليزية جيداً واتقنوها لأن المواد كلها تعتمد على الفهم
*انتبهوا من الملخصات المترجمة لأنها مترجمة حرفياً
من قوقل وأحيان كثيرة ما تكون مطابقة للكلام اللي بالإنجليزي أو تكون كأنها كلمات متقاطعة
*حاولوا إنكم تذاكرون من ملخصات غير مترجمة لأن السؤال إذا جا بالاختبار بالإنجليزي وانتوا حافظينه بالعربي البعض ما راح يقدر يطابقهم وراح يضيّع نفسه وبعدين يتهم الدكتور إن أسئلته مو واضحة .. حاولوا تترجمون بنفسكم فقط الكلمات اللي ما تعرفونها وكذا الكلمة راح ترسخ بالذاكرة بشكل أفضل
*قبل ما تطبعون الملخصات تأكدوا إن الدكتور ما تغير
*دايماً يكون في عدة ملخصات لكل مقرر من تنسيق طلبه مختلفين .. تصفح الملخصات بعدين اطبع اللي يتناسب أكثر مع طريقة مذاكرتك
*لا تعتمدون أسئلة الأعوام السابقة لأن أغلب الدكاتره
صاروا يعتمدون كتابة أسئلة جديدة
*في مواد فيها تعاريف كثير .. جمعوا التعاريف كلها بملخص واحد واطبعوه .. أسهل للحفظ. ونفس الشيء إذا كان في واجد مفردات ومعانيها
*بعد ما تخلصون مذاكرة حلوا كويزات قد ما تقدرون
ولا تتركون أي كويز إلا بعد ما تجيبون فيه 100٪ وكذا ترسخ المعلومات بمخك

وأخيراً أتمنالكم التوفيق