المشاركة الأصلية كتبت بواسطة abaadi

الماده مو سهله بس ماتستاهل انه يرفع عليه تظلم
اللي ذاكر من المحتوى والاختبارات الماضيه راح يجيب علامه كويسه
واذا تبغوا ينزلوا من مستوى الاختبارات يعني مستوى الشهاده راح تنزل

كيف اتقولوا انه نفس الانتظام في المحاضرات لاطبعا مو نفسه
كلها محاضرات مسجله تحملوهم وانتوا منسدحين
وانا درست انتظام وفرق كبييييييير والله
هنا امسهلين الاختبارات بشكل مو طبيعي
وغير كدا الانتظام فيه بحوث للراس ومحاضرات تحضرها من الصبح للعصر.
وغير هالشئ كله انه 30 درجه مضمونه في جيبكم من هالمحاضرات

مشكلتنا تعودنا انه فيه دكاتره يجيبوا نسخ ولصق من اسئله العام الماضي

واذا جه دكتور غير الاسئله قلتوا انه مصعب الاسئله بشكل فوق الطبيعي وماردي ايش

المشكله انه انتوا سجلتوا في التعليم عن بعد وحاطبين في بالكم انه سهل جداً ومايبغاله شئ

ترى اسمها جامعه مو ابتدائيه لازم يبغالها شغل

عالعموم اللي يبغى ينجح راح ينجح حتى لو عنده اربع حريم وعشره اولاد

انا خبصت في مواد وزبطت في مواد واتوهقت في مواد بس ادري انه لو في تقصير هالشئ مني انا لانه الدكاتره مسهله المواضيع جداً وعندنا المنتدى فيه اختبارات سابقه وكويزات وملخصات وش احلى من هالشئ.

المشكله الطلاب مايعجبها العجب مثلا الاختبارات كانت 70 سؤال وكل سؤال درجه وحده بس
بس الطلاب قاموا يشتكوا من هالشئ.
ويوم خلوها 50 سؤال قاموا يشتكوا بعد.

الله يعديها على خير مع هالجامعه ونفتك
مابقى شئ علينا.