ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام إنطبـاعكـم عن أختبـار ( مدخـل إلى الأدب الأمريكـي )

ذكيه ميه بالميه · 2014- 12- 31

اقتباس:

المشاركة الأصلية كتبت بواسطة JASMENN

حبيبتي اول شي لايك تجي similمو metaphor ثاني شي كيف كل واحد اجابه مختلفه بنفس الجمله ونفس الخيارات؟ انا مثلك قلت مستحيل بيغلط بسؤال بس لما رجعت للخيرات والجمله نفسها هي هي قلت مافيها كلام مكررررر خليني اخط نفس الاجابه والله يكتب اللي فيه الخير

كلامك سليم و الاجابه للسؤالين هي نفسها simil
الفرق بسرد السؤالين ان الاول قال وش هي الاداه البلاغيه المستخدمه في هذا الشطر و السؤال الثاني يقول وش هي الاداه البلاغيه المستخدمه هنا .. يعني الفرق هي كلمة الشطر ..

اما الناس اللي مسويه زحمه بان الاسئله كانت صعبه فهذا كذب و افتراء الله يصلحكم لا تعمموا
و اللي قالوا ان الماده دسمه صحيح كلامكم بس لو رتبتوا وقتكم و ما توترتوا كان ما استصعبتوا الماده

اللي ابي اقوله لطلبة الترم القادم و بيسجلون الماده هذي لا تخاااافوا ترى الماده جداً ممتعه و راح اختصرها لكم بنقاط تساعدكم بمذاكرتها
اول 7 محاضرات تاريخيه تتكلم عن التحركات الثقافيه بامريكا و كيف اثرت على ثقافتهم الادبيه و هم 6 تحركات كل تحرك ثقافي بتاخذوه بمحاضره
المحاضره الثامنه فيها 4 قصايد اول قصيدتين بيشرحها لكم الدكتور و الثاني قصيدتين ما بيشرحهم و بنهاية المحاضره في تعاريف الادوات البلاغيه من تشبيه و استعاره و تجسيد و تضاد و غيرهم مع الامثله
المحاضره من 9 الى 14 كلهم قصص ممتعه حوالي 4 قصص حلوين صراحه مع التعليقات المهمه على كل قصه منهم و سيكون كالتالي :
محاضره 9 و 10 راح يتكلم عن قصتين مختلفتين نوعهم short story
المحاضره 11 و 12 راح يجيب قصه وحده بالمحاضره 11 و التعليق بيكون في المحاضره 12 و نوع القصه novel
المحاضره 13 و 14 ايضاً راح يجيب لكم قصه بالمحاضره 13 و التعليق عليها بيكون بالمحاضره 14 و نوعها one act play

و اللي يقول ان الماده مليانه اسامي مؤالفين و مؤالفاتهم و تواريخ ولادتهم و ووفاتهم و تواريخ نشر مؤلفاتهم حبيت اقول لكم ان الدكتور ترى يحدد لكم بالمحاضرات المسجله و المباشره وش المهم و الغير مهم و ان الاسماء البارزه هي اللي تحفظوها

اتمنى افدتكم و الله الموفق ..