مازيد على كلام الأخوان والأخوات
أنا ماعندي تجربة محددة بس ابي اسولف شوي
هاوي للغة منذ الصغر والحمد لله دائما متفوق فيها عكس باقي المواد
كنت اسمع وبلافخر اغاني غربية لدرجة اول مرة اسمع عربي بعمر 23 يمكن ولا دايما غربي
كثير وكنت احب أترجم وش يقولون مو بس اسمع >>>> والحمد لله من كم سنة الأغاني عندي شيء أقل من عادي ولا أهتم فيها سواء غربي او عربي
اتابع افلام واركز وش يقولون واكرر العبارات اللي تعجبني مو بس متنح بالترجمة
كنت احاول اكتب افكاري وخواطري بالانجليزي ولما كنت منتظم كنت اقرأ اخبار برشلونة بالصحف الإنجليزية >>> النت وقتها مو منتشر زي الحين اكتب لكم من جوالي
وعلى فكرة كنت متخصص لغة وترجمة ياباني بس تركتها بعد 5 اترام وبتفوق والسبب ظروف اكرهها ولا احب اتذكرها >>>> نادرا اجيب طاري هالشيء
ايام الشات كنت ادخل شات انجليزي
قرأت رواية لشارلز ديكينز اسمها the great expectations وكانت صفحة عربي وصفحة انجليزي وقريت غيرها بس ناسي وفادوني كثير
اممم الانجليزي فعليا اسهل لغة على وجه البسيطة واللي يتمكن منها تسهل له باقي اللغات المشتقة من اللاتينية مثل الاسباني والبرتغالي
لا احد يلتفت للمجتمع وخلك متواصل يوميا
جوالك انجليزي لابتوبك انجليزي البرامج كلها بالانجليزي عشان تنجبر تفهم وتحفظ مفردات
موفقين يارب