ملتقى طلاب وطالبات جامعة الملك فيصل,جامعة الدمام - عرض مشاركة واحدة

غزيّل الريم · 2015- 1- 3

اقتباس:

المشاركة الأصلية كتبت بواسطة العابره الحربي

اخت اغزيل الريم نحترم رأيك بخصوص المواد والاختبارات وسهولتها بالنسبة لك ،،،، لكن بالمثل عليك احترام الآخرين. ومالك حق تحكمين على اي شخص بدون دليل ،،،
من قالك انا نذاكر أسئلة العام وبس ، الحمدلله نحن التحقنا بالجامعة ولنا اهداف نريد تحقيقها ليس فقط انتي من يريد إكمال الماستر لذالك انتي لديك طموح كيت تتعبي ونحن جالسين نضحك على أنفسنا من وجهة نظرك ،
حسبي الله وكفى واليه المشتكى
وبعدين تقولين ماخرج من المنهج مين الي قالك أنى اشتكينا من ذا الكلام مع ان دكتور النحو والصرف جاب أمثله من خارج المحتوى وهو بالمباشره قال ماراح اخرج عن المحتوى ،
وشكرا

أوّل شيّ هل قلت أنتي تذاكرين أسئلة العام وبس؟ هل قلت كل الطلاب يذاكرون الأسئلة بس؟
أنا قلت بعض الطلاب
هل غلطت فيك ولا قللت من احترامك؟ كيف فهمتي اني مااحترم الآخرين ودي أفهم !
وروحي اقري كلامي كويس عشان تعرفين إني ما أستحق الأسلوب اللي رديتي علي فيه :)
يا ليت تفهمين الكلام قبل لا تردين عشان ما تعرّضين نفسك للإحراج :)

أنا قلت ان عندي "هدف اني أكمل ماستر" عشان محد يحسب اني دافورة وأبي كل الناس مثلي
اللي دافور ومتعود ع الدفارة من يوم وهو صغير ماراح تفرق معاه الجامعة ..
لكن قلت ماني دافورة من يومني صغيرة عشان محد يحسب إني متعودة ع الدفارة ..
قلت كذا عشان كل الطلاب يفهَمون ان اللي يبغى يمشي بالجامعة بدون مشاكل .. يشد حيله ..
ما هو يجلس متراخي وما يذاكر الا وقت الاختبارات وفوق هذا يبغى الأسئلة على كيفه ومزاجه، معليش !
أنا أذاكر وما قد واجهتني أسئلة صعبَة لأني أذاكر كويس .. ماني أحسن من الطلاب ومحد أسوأ مني ..
كلنا عندنا عقول نفهم بها .. وما وصلوا هالمستوى الا انهم متمكّنين .. ليش ما يشدون حيلهم؟
بعض الدكاترة ينظلمون بالسب والدعاوي وهم ما سووا شي غلط ! بس عشان غيروا أسئلة العام
حتى أسهل الاختبارات لابد يجيك كم طالب يقول صعب ويدعي ع الدكتور
عشانه قرر يذاكر في نفس يوم المادة وما بغى يتعب نفسه بالمذاكرة !

والنحو والصرف كم سؤال من برا المادة؟ 20؟ ولا 30؟
حتى لو ما كنتي فاهمة الشرح ما راح ترسبين بسبة هالكم سؤال اللي من برا المنهج، صح؟
اذا ذاكرتي كويس بتحلين كل الأسئلة اللي من داخل المنهج وبتجيبين درجة ممتازة ..
ليش تزعلين ع كم سؤال؟

عفواً، مع إني المفرُوض ما أبرر شيّ لأنك شقلبتي كلامي ع كيفك وظنيتي أسوأ ظن وصدقتيه ..
ورديتي عليّ بأسلوب جَميل الصراحة هههههه
لكن معليش ما أحبّ أحد يفهَمني غلط .. لذلك وضّحت كلامي ..
عامل الناس كما تُحبّ أن يعَاملوك .. ياليت يكون الاحترام حليفنا اذا راح يستمر النقاش
لأني بصراحة لا أحب المشاحنات