2015- 1- 3
|
#57
|
|
أكـاديـمـي ذهـبـي
|
رد: انطباعكم عن e4
تأخرت باعطاء انطباعي لكن دفعتنا ماقصروا وفوا وكفوا
انا مأخذة سبع مواد كل مواد رابع ماعدا اللغويات والحاضر اخذتهم في ثالث >قد كتبت انطباع عنهم قبل لكن درجاتي حليوة فيها جبت في الحاضر A مافتحته الا قبل الاختبار بيوم , واللغويات جبت فية A+ المحاضرات الخمس الاولى فتحتهم قبل بدري والباقي قبل الاختبار بيوم يعني مافيهم صعوبه لكن يبيلها تركيز للكثرة المعلومات
والان مع المواد الي اخذتها في ذا الترم رابع مع اعتبار اني اغلب المواد فتحتها قبل الاختبار بيوم ماعدا الادب سمعت للمحاضرات العشر الاولى قبل ونص محاضرة من قواعد البيانات 
طريقتي لازم افتح المحاضرات واسمع لهم كلهم>طريقة تعلمي استماع ماعرف اذاكر بدون ماسمع للدكتور
يمكن بعضكم يقول مايكفي > اقول يكفي استماعي احيانا اشغل المحاضرة واعلي الصوت وانشغل بشئ ثاني يعني ممكن اتصفح او احمل ممكن افطر او اتقهوى او على الجوال كذا تدخل المعلومة بدل مامسك الملزمة واشرح لنفسي بس اسمع بعد ماخلص قراءة سريعة للمنهج واطبق بالكويزات او اسئلة اعوام سابقة >بعض المحاضرات فيها تطبيق لازم اشوف معه بالشرح طبعا زي قواعد البيانات 
الزبدة حلو انك تسمع للدكتور خاصة انقلش بتستفيد من تنوع الاساليب وطريقة كل شخص باستخدام الكلمات والعبارات تبعته
نبدأ المواد
اخذت لذا الترم قضايا ثقافية من خامس >المادة استمتعت بمحاضراته بس انصدمت من اسئلته الغبية جميع ماسبق ا وب وا وج او جميع ماسبق خطاء الزبدة ركزوا فيها وخاصة بالتعداد اعرف كل تعداد يتبع اي موضوع والادلة على ايش >كالعادة ذاكرت قبل الاختبار بيوم
المادة الثانية اخذت الادب الانجليزي في عصر النهضة المادة الوحيدة الي فتحت المحاضرات العشر الاولى بدري فيها وفيها كذا حدث فيها جالي الفضول ابحث عنهم بس جد استمتعت بذا المادة والاختبار بلنسبة لي كويس مع ان اشوف كثير ماعجبهم لكن وجهة نظري للمادة دسمة مثل الادب كان بامكان يركز على اسئلة اكثر دسامة لكن اسئلته كانت شاملة و واضحة واغلبها تعاريف اشوف انه مافيها صعوبة لكن تحتاج تركيز
المادة الثالثة النثر استمتعت جدا بذا المادة اغلبها كلمات ومن ناحيتي ماعندي مشكلة فيها 90% مرت علي كنت بحط 97% بس عشان ماتقلون مبالغة  وفيها بريفكس وسافيكس والقطعة الخارجية الي جابه كانت جدا سهلة
الاستماع والاستيعاب استمعت جدا بمحاضراته مافيها صعوبة اكيد عارفين اسلوبة من قبل. الاختبار بس ان الصوت كان فية تشويش وهذا الي ازعجنا تعبت اركز فيه من التشويش لكن المادة جدا سهلة ونقول ان شاء الله حلينا
قواعد البيانات  بصراحة مدري وش هببت لكن يبيلها مذاكرة من بدري وتركيز بعض التعاريف تلخبط والتعداد بالاضافة للتطبيقي على اكسس والديقرامات الي هي تصميم لقاعدة بيانات
انشاء وتعبير 2 ركزوا على حروف الجر اختبارنا كله حروف الجر والربط وادة التعريف
القواعد والمنظومة النحوية اخر اختبار وفيها مصطلحات جديدة وفلسفة جديدة >ماحب نحو ماخلت فيني طاقة يأني استهلكت كافيين ماستهلكته في بقيت الاختبارات مشكلتي مافتحته الا قبل الاختبار بيوم بس الدكتور يعطية العافية بالمحاضرة المباشرة الرابعة مشى معنا محاضرة محاضرة وقال الاشياء الي نركز عليها وفوق كذا حذف 3 محاضرات واغلب اسئلته كوبي بيست ا من اختبارر قبل وامثلة المحاضرة الزبدة ذاكروها بدري
وسلامتكم ان شاء الله هذرتي واضحة واستفدتوا منها
|
|
التعديل الأخير تم بواسطة piece of art ; 2015- 1- 3 الساعة 11:35 PM
|
|
|
|