ملتقى طلاب وطالبات جامعة الملك فيصل,جامعة الدمام - عرض مشاركة واحدة

~Ghada · 2015- 1- 4

اقتباس:

المشاركة الأصلية كتبت بواسطة آلله يسهلهآ

متابع لكم

بالنسبه لنظرية الترجمه
دخلت الاختبار و أنا مذاكر 11 محاضره فقط
صعوبة الاختبار كان باختيار الأصح من الاختيارات المطروحه كون أغلبها بالطريقه هذي
طبعا بعد إعادة صياغتها من الدكتور و لفها بطريقة التحدي
الدكتور أحمد حليمه يقول أنا إجاباتي صعب تخمينها..!
و هذي هي المشكله اذا الدكتور بسلامته ما يلتزم باللي يقوله و ماخذ الوضع تحدي
الحمدلله حليت و إن لم يكن بذاك الحل المُرضي , لكن إهمالي أيضا سبب في هذا و ليس كل اللوم على الدكتور
الاعتبار الاول في اختيار المواد .. اختر اللي يناسب وقتك و جهدك بدون النظر لانطباعات الطُلاب
و الاعتبار الثاني شرح الدكتور .. قد تكون الماده سهله ولكن تصير صعبه بسبب سوء شرح الدكتور
و هذي مو مشكله كبيره الماده اللي بتاخذ حقها من المذاكره و المراجعه بتكون فيها الدرجه ممتازه

أنا واحد من اللي ما يذاكرون إلا ليلة الاختبار ولا أهتم كثير بالانطباعات مو قصور بالاخوان و الاخوات
لكن تعتمد على المخزون اللغوي السابق و التركيز وقت المذاكره
يمكن بثلاث ساعات تطلع بمجهود شخص مذاكر أسبوع

الحد الأقصى من المواد اللي أشوف نفسي قادر عليه هو 7 مواد
لذلك بنيت جدولي على تسع أترام و تخلفت عن دفعتين سابقتين
السمستر هذا بنزل بإذن الله 7 مواد = 16 ساعه
قضايا ثقافيه معاصره - الفكر و الثقافه الانجليزيه - الصوتيات و النظام الصوتي
المقال - تاريخ الخليج العربي - مهارات التحدث - ظهور الروايه

الله يكتب اللي فيه الخير للجميع

صباح الخير

و وش يبغى هالدكتور مشغلنا؟ يثبت لنفسه ايش؟
ماخذ الوضع تحدي ليه؟
فيه نقص والا لو واثق في مستواه الاكاديمي ما كان سوى فيها تحدي وتخمين
كلمات متقاطعة هي؟ < عصبت

محد طلبه يسهّل لكن ليه اللف والدوران والافعوانيات هذي
ودي أمسكه بهدوء من كتوفه واقول له وش تحس بالضبط

عصبت لاني ازعل اذا شفت A واقفة لحالها بنتيجتي
فما بالك بـ B+ < الله لا يعيده بعد الاحصاء والاخلاق الاسلامية

امممم جدولك حلو الله يسهلها
اذا ما عندك مشكلة تتأخر عادي ما فرقت
اهم شي ترتاح داخليا

مره اقول بأجل الترجمة مره لا
بس الصدق انو حتى لو اجلتها بأجلها تيرم واحد يعني ما فرقت
حاولت اطبق القانون الكارزمي على هالدكتور انو اذا صعبها ع مستوى فاللي بعده بيسهلها
بس ما ضبطت معي احسه شاذ عن القاعدة

بنسبة 70% باخذ هالمادة

واذا اخذتها معناته برتب لهالمادة جدول خاص قبل الاختبارات ع قد ما اقدر
وحتى لو صعّب الخيارات لما اكون واثقة في معلومتي اتوقع بحل كويس اذا ما اعطيت لشيطان الدكتور مجال لتشكيكي

انا دايما مقتنعة بأن اول خيار تميل له هو الصحيح

تكلمت كثير ع الصبح

بس درجة الحرارة عندنا الآن 6 والملموسة 3

فعشان كذا هدرت واجد عشان ادفى