المشاركة الأصلية كتبت بواسطة ابعاد الحفر

اخ تهاويل احترم وجهة نظرك انا كنت اقصد بكلامي اننا نذاكر ونتعب ونأدي ما وضعه النظام لنا على اكمل وجه اذا نحن نستحق ان نواصل الدراسات العليا مثلهم تماما .. اما بخصوص نظام دراستهم فيبقون هم الافضل منا في تلقي المعلومات والاسهل دراسيا ..
انت حسستني با الانتظام ما يقدر يحك راسه وانا خالطت كثير منهم ناجحين ومتفوقين لكن مو مثل ما ذكرت انت من الصعوبه .. الى جانب تجيب طالب مقابل الدكاتره سبع ساعات يتناقش ويتلقى المعلومات وياخذ ويعطي مع الدكتور الى اخر لحظه قبل الاختبار الى جانب ان الدكتور يعرفك شخصيا ولما يصحح اختبارك راح يعرف الطالب الي يستحق وتكون من خلال تعاملك المستمر مع دكتورك طول العام كونت فكره عن طريقة اسئلته واسلوبه في طرح الاختبار الى جانب موضوع البحوث اغلب الطلاب الي يدرسون متفرغين وايضا يلجأون الى المكاتب لعمل البحوث لهم والواجبات يعني هم ما يعلمون بعضهم الحلول .. يا اخي طريقتك حسستني ان الانتظام ينام وياكل كتاب ..
كأن الواحد فيهم يدرس بقاعه لحاله ترا يا الغالي يعلمون بعض وياخذون حلول الواجبات من بعض وحتى البحوث ..
وبالنسبه للحضور هذا شأن خاص بنظامهم .. احنا ما نقدر نعرف طريقة دكتورنا ولا اسلوبه حتى المحاضرات المباشره القليل مننا يقدر يدخلها احيانا بسبب النظام وبعض الدكاتره يعطيك وجه وبعضه تساله ولا كأنه يسمعك يشرح نفس المحاضرات ومدتها قصيره جدا ويطلع ولا تاخذ منه لا ابيض ولا اسود ؟؟
الله يصلحك ان شاءالله انت طرحت وجهة نظر وتبينا غصب نقتنع فيها ؟؟
انا ما اقلل من النظاميين لكن بعد ما نقدر نقلل من المنتسبين
كلنا هدفنا الاول الطموح ومواصلة الدراسه وكل نظام له سلبياته وايجابياته ..
بالتوفيق للجميع