إذا رحتي مع زوجك بتكون صفتك زوجة مرافقة بس تقدرين أول ما توصلين وترتبين حياتك تقدمين ع الملحقية وتطلبين تدرسين لغة وبسهولة راح تحصلين ع الموافقة إن شاء الله من الملحقية ومن معهد اللغة، طبعاً لازم تترجمين شهادتك الجامعية قبل لا تروحين وتاخذين توصية للماستر كذلك. إذا المعهد في نفس الجامعة فلك خيارين إما تخلصين معهم مستوى دراسي معين في اللغة els وتنقبلين بعده أو تختبرين توفل بشكل مستقل سواء في المعهد إذا عندهم أو في معاهد أخرى، طبعاً احتفظوا بأي فواتير سواء الدواء أو أختبار التوفل وطالبي الملحقية تدفع لك، حسب ما اذكر لك محاولتين تدفعها الملحقية. عموماً الفواتير في أمريكا مهم الإحتفاظ بها سواء للترجيع أو للتعويض أو لأسباب غير كذا. طبعا الماستر في أمريكا وتخصصات أعمال حيطالبون بإختبار مثل القدرات لغير الأمريكان gpe وبتكونين محظوظة لو طحتي بجامعة ما تتشترطه وهي جامعات قليلة جداً خصوصاً المعتمدة من الملحقية. عموماً شدي حيلك وحاولي ما تطولين في اللغة لأنها مضيعة وقت وراح تملين بعد ستة شهور من المعهد لذلك كثفي دراسة ومشاهدة تلفزيون وتصفح نت وقراءة أي شيء وكل شيء لأنك حتحتاجين لكل كلمة إذا مو اليوم فبكرة. انصح بالولايات الوسط أسعارها معقولة وبتريح المبتعث من الضغط النفسي بخصوص المصاريف، كنتاكي ، انديانا، منيسوتا، الخ الإيجارات معقولة والعيشة والمشاوير أسهل < طبعاً للي هدفه الدراسة بالمقام الأول. نسيت أقولك أنه بمجرد يتحول وضعك من مرافق لطالبة راح تأخذين مكافئة طالب مثلك مثل أي طالب.
الله يوفقكم ويستر عليكم ، أهم شيء خططوا صح ولا تنغمسون مع المبتعثين والعوائل السعودية كثير ترى ما عندهم إلا قال وقيل وقلق السعوديين هو هو حتى بالغربة، خذوها مني إذا ما تذاكرون ع الأقل 4-5 ساعات يومياً في البيت أو المكتبة ماراح تتعلمون صح مع أن النساء أشطر بكثير من الرجال في تعلم اللغات وهذه حقيقة ملموسة ما فيها كلام.