ملتقى طلاب وطالبات جامعة الملك فيصل,جامعة الدمام - عرض مشاركة واحدة

مدمن دلاخة ~ · #1 2015- 1- 7

\\

"
تمهيد
تلبيةً لطلب // بوسي كات بهالموضوع >> بما أننا فاضين تعالوا شوي ي دفعه ..

وبالمناسبه وانا اكتب الموضوع .. بـ هالقسم تعرضت لعملية اخترااق سهلة جدأ بسبب الباسورد الغبي
يعني تخيلوآ باسورد يبدأ برقم 4 وينتهي برقم 10 ومكون من سته ارقام متسلسله
<<< اكيد ما عرفتوه لان السؤال واضح انه صعب
طيب ام اربع واربعين رجل كم لها من رجل ؟
<- المهم ماعلينا من ام اربع واربعين .. ندخل بالموضوع

[ مدخل ]

حينما ( تبطي وتاخذ لك استراحه محارب غبية جداً ) لا بد لك ان تعود ( بعودة ) اقوى من بعد الاستراحه الغبية .. فالجميع يعرف اني كسول .. وباارد لدرجة التجمد تحت برودة الرياض في هذه الايام.. هو صدق ان الصراحه حلوة بس انا صراحتي غبيه يعني بالعربي ( نفس استراحتي ) .. فقلت بيني وبين نفسي وبالضبط حينما جاءتني بنات افكاري !! لا احد يقول وش اساميهم لاني ماعرف اساميهم .. قلت خلني اكتب موضوع ساخر جداً .. بماا اني مقصر فيه وما كتبت منذو قديم الازل اي بعد وفاة الملك الراحل والمغفور له باذن الله تعالى .. فهد بن عبدالعزيز ( ولد نورة ) >> ع العموم الله يرحمه

[ موضوعنا اليوم ]

راح نمشي على نفس الاسطواانه اللي نسمعها هالايام .. ولاعتقاادي التاااااام بإن التكرار تفهم الشطار ..
تصدقون يا جماعه الدعوه خربت وسمجت .. يعني تخليوآ معااي موظف عادي وبسيط راتبه 4800 وعنده عائلة مكونه من 4 افرااد ( اقل الايماان ) وخدآمه . تعالوآ نحسب راتبه ..!!
الجوآل اقل شيء .. 500 ريال .. ( للرجل )
600 ريال ( مع حبه خشم ) للمرأة !! <<
300 للكهرباء
300 انتترنت
1500 راتب الشغالة
800 مقاضي البيت ( برضو اقل الايماان )
300 اغراض الرجل
500 اغراض المرأه ( لا احد يدقق الله يخليكم لان المبلغ كبييييييييير ... )
200 اغراض عياله
200 بنزين السيارة اذا كان ( 91 ) و 300 ريال اذا كان ( 95 ) .. مع اني اشوف ال95 .. مجرد تمثال في محطات البنزين

يعني على يوم 25 من الشهر .. يكون في حساابه -700 اذا كان بنزين سيارته 91 ( طبعا اللي يبقى بحسابه يطلع بالسالب .. عسى اللي عطااه يعطينا )-1000 اذا كان بنزين سيارته 95

يعني انا اتوقع ان ربعنا همهم الشاغل في حياتهم وشلون يخلون الناس طبقه واااحده ( اللي هي الطبقة الغنية ) ..

الله يخلينا لهم !! لانهم يحبونا ..

عمركم شفتوآ احد عليه ( قرض ) ..!! اكيد لاااا
عمركم شفتوآ احد ( يتسلف ) من البقااله !! اكيد لاااا

الله يخليهم لنا ولا يحرمنا منهم !!

::

اكيد كلنا درسنا وتلعمنا ومرّ علينا مصطلح ( العلاقة الطردية و العلاقة العكسية )
طبعـ(ن) العلاقة طردية ( او عكسية ) بين كتلة وحجم وطول وعرض و و و بس ما عمرنا سمعنا بعلاقة طردية ( او عكسية ) بين راتب ومعيشة !!

تقول العلاقة &

كلما زادت الاسعار قل الراتب ,, وكلما قل الراتب زاادت .... ( لا تعليق )

يعني اكيد اليماني !! من كثر ما يجونه زباين قام يخيط لنفسه
والا انتم تقولون غير كذا !!
::
حتى ام طلال ما تركوها في حالهاا .. وخلوها تسوي عرض خااص

<- ام طلال لها مبسط في سوق شعبي وتبيع ملابس لـ الجيل القديم من النساء ب عمر 60 سنه وطالع
::
الله يخليهم لنا ولا يحرمنا منهم !!
::

[ قفلة ]

ما ودي اطول بالموضوع لاني ابي رأأي الجميع ..
اتمنى اني اختصرت ف اوجزت وأفدت ..!
شاكر لكم ومقدر .. حسن الاستماع والانصات
تحياتي لـ الجميع