|
هل لديك مهارات أخرى غير التي درستها ؟ موضوع سواليف عن المواهب
السلام عليكم جميعا
فترة انتظار النتائج فترة قاتلة ومملة وكل واحد يحاول يشغل نفسه بأي شيئ (خصوصا غير الموظفين)
هالموضوع كنت ابي افتحه منذو مبطي ولكن أشغلونا بعض الدكاترة الله يهديهم >> بدت الخمبقة
ما اروح بعيد عن السالفة
بالنسبة لي أتقن شغلتين
الأولى السباكة
دورني اذا قالت الوالدة والا ام العيال ان فيه بزبوز خربان والا ماصورة تهرب والا سخانة ما تسخن
او أي شيئ له علاقة بالسباكة
انبسط واشيل شنطة العدة وادرعم
كان عندي شغل رمضان الماضي في دورة المياة أكرمكم الله ابي تغيير استايلها بالكامل
وكنت جايب سباك يشتغل معي عشان الشغل كثير
يقول السباك "والله ما مر علي زبون مثلك" قلت ليه قال كل شي تبيه بالصنتي
(جننته واقف معه طول الوقت ومعي المتر وأول ما يشيل الدريل يبي يحفر اوقفه وأجي أمتر واقوله احفر هنا)
قلت يا حبيبي لي اكثر من اسبوعين ارسم واسجل القياسات وأعدل وأحوس فأكيد ابي كل شي بالصنتي
و اذا وقف يرتاح والا يشرب موية اشيل العدة وأكمل >> على قولتهم "لا يوقف"
والحمد لله انتهى الشغل على خير
الشغلة الثانية المكيفات الصحراوية
أمزمز ع المكيفات
غير مسألة التنظيف وتغيير القش وتريكب دينمو
اختراعات في المكيف
اغير مدخل الماء من لي صغير الى ماصورة نص بوصة مع عوامة نص بوصة
تدبيل مواصير التوزيع الداخلية اللي تصب على القش يعني طرمبتين بدال وحدة عشان التبريد يكون أفضل
اضافة بكرة ثانية لبعض المكيفات مع سير ثاني
وعندي القليل في الكهرباء
أحبتي أمتعونا بمواهبكم ومهاراتكم
ممكن يجي يوم ونكون فريق عمل ونمسك مشاريع بس على شرط
انا المدير ولي 99% من الربح 
وبألف كتاب اسمه "السباك اللي صار مدير" 
|