حلوه شغلة السباكة أعجبتني، والله ودي نتسلفك شوي

أما الحصان فحزنّي كثييير
شفت كيف الدنيا دواره كنت تركب خيول واللحين صرت الخيل


بالنسبة لي ما أمتلك إلا هواية القراءة وممكن أجلس 3 أو 4 ساعات متواصلة أقرأ

لكني بسم الله علي أي مهارة تعجبني على طول أتعلمها

يعني وأنا بسن المراهقة قررت أصير شاعره مثل نهى نبيل ونجاح المساعيد<< فواصل
وفعلاً صرت أكتب أبيات شعر ؛
حتى كنت أكتب كسرات .. وأخوي كان ياخذها ويلحنها

وأذكر اني كنت فاشله بالرسم لدرجة اني انجح في الفنية بعد جهد جهيد
وتعلمت وصرت رسامة ومتخصصة في رسم البورتريهات
وصرت أرسم للبيت كله وأخذ عليهم فلوس<< عشان مايزعجوني

وتعلمت أشياء إلكترونية .. مثل .. عمل مقاطع فيديو .. فتشوب للصور

وأشياء حرفية مثل الخياطة وشغل الخشب، دق مسامير، أسوي منها علب<<نجاره صغيّره

أذكر مره عزمت اني أصير كهربائية وبديت أقطع سلك أركب سلك وزي كذا
إلين جاء مره تكهربت فوق السطح وانا كنت أصلح صحن الدش<<شفت الموت
ومن وقتها حلفت ما أتعلم أشياء خطيرة

وإن شاء الله أتعلم حاجات جديدة خاصة إن أسرتي تدعم المواهب والمهارات
ومن كثر دعمهم لك .. يعتبرونك خبير في كل شي ولازم تسوي المطلوب منك
لدرجة انك تتمنى تصير فاشل بس عشان تفتك منهم


إيه ولازم أتعلم مهارة اختصار الكلام


ــ ــ