ماشاء الله موضوعك جميل والاجمل اسلوبك الرائع والمميز .
وانا من وجهة نظري ان الراتب معاش وبهالوقت صعب الانسان يوفر منه شي .
ولاراح احد يقدر يوفر الا راتبه اكثر من 15 الف .
لان الراتب يزيد حبه حبه ويزيد مصروفك معاه .
وانا الحمد لله راتبي لابأس فيه ومن فضل ربي ماني مبذر واحاول كثير اني اقتصد بمصاريفي .لاكن كل شهر يختفي التزام ويجي التزام جديد يخرب تخطيطك كله .
وتاكدوا ان الراتب اذا ربي بارك فيه والله لو راتبك 4000 ريال لتنافس اصحاب الرواتب العاليه .
مشكلتنا وعيبنا اللي حنا متأكدين منه اننا نصرف رواتبنا في اشياء غبيه .
واختصر لكم علئ قول الشاعر :
الناس تفرح اذا جتها رواتبها ** وانا اتضايق من الراتب اذا جاني
للبيت والورع والحرمه مطالبها ** ويطق بابي يجي عشرين دياني .
ونصيحه من القلب :
اكرم ضيفك وساعد المحتاج بقدر ماتستطيع وحاول بشتئ الطرق ان يكون راتبك خالي من الاقساط .
ودائما من كل راتب اشتر اي شي وبيعه بربح بسيط ويكون تسديده مع راتب الشهر القادم .
هذي طريقه جميله ورائعه وتخليك تبدع وتعرف قيمة الريال الحقيقيه .
واذا عرفت قيمة الريال صدقني لتعرف وين تصرفه .
ولكم فائق ودي وتقديري . محبكم ابو عزام .
ادعوا لي يبارك ربي برانبي الله يبارك لكم في صحتكم وانفسكم وحلالكم ومالكم