إذا بيحصل زوجتك تكون هي المبتعثة وأنت مرافق وتدرس اللي بعد ذلك فهذا أفضل خيار لواحد بوضعك، أشتغل عليه ترى نتيجته أقوي شيء ويستاهل التعب وبالواسطة يمشي خصوصاً أن الأبتعاث للزوجة واتوقع قبولهم للمبتعثات اكثر مرونة من مبتعثين.
إذا ما حصل امسك وظيفتك وطور نفسك هنا وأصلاً أنت لازم تطلع بمردود لشهادة البكالوريس وطالما أنت طموح صدقني تقدر تحقق طموحك من هنا وكل يوم تتغير الأمور وتنفتح فرص. خلص بكالوريس وقدمها على عملك ودور لك فرص أفضل بالبلد وتقدر تتعلم للغة بالبلد مو لازم تسافر، كثير سافروا ورجعوا ما تعلموا لأنهم يعتقدون أن السفر هو اللي بيعلمهم وليس جدهم وإجتهادهم.
لازم تعرف أن لديك مكتسبات مهمة لازم تحافظ عليها، بيت واولاد واسرة سعيدة وأن السفر ليس بالضرورة هو ما ينقصك أو بيحل مشاكلك.
أنت خلصت بكالوريس يعني ماشي في الطريق السليم ركز وفكر حسب المتاح ولا تنسى تكلفة الفرصة البديلة. بمكانك مافيه أحد عاقل يستقيل من عمل "حكومي" ويرمي نفسه وعائلته في المجهول!