|
رد: انطباعك ( قبل ) وبعد اختبار الاحصاء للإدارة
اقتباس:
المشاركة الأصلية كتبت بواسطة ABO JORY
السلآم عليكم ورحمة الله وركآته
الله يكتب لكم النجاح جميعآ في كل الموآد
معليش آنآ ابتكلم بصرآحه وأتمنى محد يضآيقه كلآمي
آنآ من النآس اللي ضروفه مآسمحت له يتآبع محآضرآت خلآل الترم
وحآولت اضغط على نفسي أخر الأسآيع اني آتآبع بعض محآضرآت الموآد اللي تحتآج فهم (منهم مآده الآحصآء للإدآره)
مآقدرت اني اتآبع جميع محآضرة المآده بحكم ضيق الوقت وأكتفيت بمتآبعة محآضرآت الفصول الثلآثه الأولى.
وبمذآكرة الاختبار النهآئي أعتمدت على الملزمه اللي عملوهآ الطلآب الله يجزآهم خير
ومآ آخفيكم آني كنت ضآيع بالمذآكره وكل مآ آخلص مذآكره فصل وأبدآ بالثآني القى نفسي نآسي اللي ذآكرته بالفصل السآبق
والفصل الأخير مأفتحته خير شر ولآ أدري عن ايش يتكلم
اللي سآعد صرآحه بالمذآكره ان الدكتور أعفآنآ من قوآنين الثلآثه الفصول الأخيره ، وكلكم يعرف كيف شكلهآ القوآنين ، قوآنين تخليك من جد تنتف شعرك وآنت تحفظهآ ، لكن الدكتور الحمد لله انه أعفآنآ من حفظهآ
وصآر البآقي علينآ بس نعرف نطبق هالقوآنين اذا جآتنا بالاختبار.
دخلت الاختبار وآنآ مو جآهز 100% خصوصآ وان كآن ورآي سفر بعد الاختبار بسآعآت.
الاختبار انا أشوفه كأن الدكتور وده يحل بدآلنآ ببعض المسآئل ، وفر كل شي عشآن نحل بشكل صحيح
بعض اسئله انا استغربتهآ من سهولتهآ لدرجه اني شكيت ان يكون هذآ الجوآب الصحيح اللي يقصده.
آنآ جيت دخلت المنتدى ومتصور ان الجميع فرحآن بمستوى أسئلة الاختبار وصراحه تفآجأت من انطبآعآتكم ومستغرب انه ولا وآحد انطبآعه ايجآبي.
مآ آبي اطول عليكم ، بس حبيت انقل لكم انطبآعي وأستغرآبي من انطبآعآتكم
تقبلوآ مدآخلتي
|
مساء الخير
بالنسبه اي انا صار معي نفس الشي بس الفرق اني ما حضرت ولا محاضره وما فتحت الماده الا يوم الجمعه قبل الامتحان بثلاث ايام واكذب لو قلت اني ما فهمتها ومعك حق بالنسبه لبعض الاسئله اللي جاوبتها بدون ما اطبق اي قانون لان اجوبتها كانت بديهيه .. وبالنسبه لحفظ القوانين فمع الاسف حفظتها وضيعت وقت طويل في حفظها وما كنت اعرف انه الدكتور قال انه بوفرها لنا بورقه الاختبار ..وعلى فكرة مذاكرتي كانت من المحتوى فقط ولا مره درست من اي ملزمه ،، اعتراضي ما كان على صعوبة الاسئله لان لو كنت دارسه من الأول ومتابعه مع الدكتور والمحاضرات يمكن كنت جبت a+ او a ولكن هاذي مو مشكلة الدكتور مشكلتي انا
الشي اللي ما عجبني هو عدم ترابط المعلومات مع بعضها وعدم التنسيق والمقارنه بينها وهالشي لاحظته من دراستي وقراءتي للمحتوى .. عشان كذا كنت فعلا اخلص فصل وابدأ بالثاني الاقي نفسي ناسيه اللي درسته ..اشياء كثير انا استنتجتها .. ولخصتها وقارنتها ببعض عشان تركز المعلومات في مخي في وقت قصير .. والشي الثاني اللي ما عجبني الجداول اللي جابها بالورقه لإن فعلا حاستني حوسه وما عرفت اطلع منها الا قيمه اوقيمتين وبس .. وبعد تكراره لسؤال فترات الثقه بأكثر من سؤال والكل يعرف انها تاخذ وقت في حلها ولو غلطنا غلطه بسيطه تأثر على كل المسأله ،، مع العلم اني استنتجت انه اذا ما كان عندي وقت للحل هاذا النوع من المسائل والوقت ما اسعفني وابي اعرف الجواب الصحيح فيكفي اني اجمع طرفي الفتره واقسمه على 2 والجواب اللي يطلع مساوٍ للمعدل او للوسط الحسابي اللي هو من معطيات المسأله اساسا تكون هاذي هي الفتره الصحيحه وهي الجواب السليم .. ولكن استنتاجي هاذا للأسف جا متأخر ..
ما علينا انتهى الامتحان بخيره وبشره مو مشكله ويارب ننجح بس ..ولكن للأمانه الماده دسمه صحيح لكن مو صعبه تنفهم ابدا والامتحان كان متوسط الصعوبه بل انه يكاد يكون في متناول اليد لو تم طرح الماده بشكل جيد ومنسق
|