ملتقى طلاب وطالبات جامعة الملك فيصل,جامعة الدمام - عرض مشاركة واحدة - إهداء مني لكل من يظن أن الإنتظام أفضل من الإنتساب المطور (( مقارنة بين دراسة الإنتظام و الإنتساب المطور ))

سعود بن ثامر · 2015- 1- 14

اقتباس:

المشاركة الأصلية كتبت بواسطة SSaRRi

امين

وشف الله يسعدك

فاهم ان الكل يبي دكتور زين ويتعاونون على واجب والخ
اتكلم عن الاختبار نهائي .. وين الصعوبه فيه ؟
وحتى الامتخان الشهري او التقييم الشهري الموجود في الانتظام اكثر صعوبه مننا .!

التقاليد والعادات القديمه الي مارضتك .. للعلم ترا مالها دخل بسالفتنا
سالفتنا اننا مختلفين بالدراسه وصعوبتها
منتظم
او
تعليم عن بعد

وبس

أهلاً وسهلاً بك

عاداتي وتقاليدي طيب خليني أوضح لك ..

خريج الثانويه الحكوميه والأهليه صار يحكمهم اختبار القياس والتحصيلي .. هل معناته الحكومي أفضل من الأهليه لأجل المسمى فقط , علماً كثير مبتعثين وجامعات وهم خريجين مدرسه أهليه .. !

خريجين الجامعات صار لهم كذلك اختبار في قياس وكذلك اختبارات القبول للوظيفه والمقابله الشخصيه

انا بسألك هل نفس المنهج اللي ندرسه حنا المنتسبين يدرسونه كذلك الإنتظام صح ؟

النقطه الثانيه أبغى عينة أشخاص عددهم مثلاً 10 من جامعه ومنتظمين ومعدلاتهم تتراوح بين 2.90 إلى 4

وأبغى أسألهم في تخصصهم اللي درسوه تبغى تقنعني راح يسمع لك 100% كل المواد ولا 90% ولا حتى 50%

أستاذي انا جلست مع منتظمين وناس شاطره ومهتمه بدرسوها لما سألتهم عن تخصصهم أجابوا بالتالي لاحظ

[ مستحيل أتذكر كل شيء بالجامعه أحتاج اني أشوف الماده وأراجعها من جديد ]

تدري وش أقول لك غمض عيونك عن كلمة انتساب وقول الاختبار هو الحكم انت كذا تقلل من شأن الإنتساب بدون أدلة وثوابت علماً الجامعات الحكوميه كثيره اللي فاتحه الإنتساب , معناته كله خطأ وكلهم ما يفهمون وأقل درجة من غيرهم ..

خليك منطقي وقول الإختبار هو الحكم في مسألة الفهم والإلمام في التخصص أما ماسك على كلمة انتساب وتنتقد طريقة التدريس انا أقدر أقول لك جامعات ويدفعون له فلوس على شكل هدايا ومدرسين خصوصي وملخصات وغش وتصوير الكتب والأسئلة وفيه دكاتره كثير جداً ينتقدونهم المنتظمين ما يشرحون لهم وغيابات .

شفت كيف صرت مثلك فقط أنتقد ولا إلتزمت بالحياديه , كلهم خريجين بكالوريوس وكلهم بإذن الله فاهمين في تخصصاتهم ما قلت لك طبيب ومنتسب , الإنتساب للمواد النظريه اللي ما تحتاج تطبيق عملي ومختبرات , كلهم خريجين بكالوريوس شهاداتهم ما تختلف ومناهجهم نفس بعض ونفس القوانين والنظريات ما تختلف .

في النهايه جاوبني على هذي اذا مو عادات وتقاليد , ليه كل دول العالم تقبل خريج بكالوريوس الإنتساب للماجستير وفيه ناس تدرس الآن بإثبات !! علماً إن مراكز جامعاتهم أفضل من جامعاتك اللي هنا ؟ الجواب واضح الله يسعدك ..

وهنا حبايبك انقسموا نصين ناس تقبل وناس ما تقبل مزاجيه وحسب قناعاتهم الشخصيه وليست مستنده على علم أو سبب , لأن الدولة والجامعات فاتحه المجال وبعدها المسؤولين عن دراسة الماجستير توهقوا

فاللي حاصل قدامنا ونشوفه ناس تقبل وناس ما تقبل .

هذي مو عادات وتقاليد ومزاجيه ؟