ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام بخصوص المواد المحمولة من المستوى الثاني

Dr. nsroon · 2015- 1- 14

اقتباس:

المشاركة الأصلية كتبت بواسطة ماجد النويصر

اللي ناجح فيها مو مثل اللي حاملها

هههه

المقصد اخليها لوقت ثاني ولا اخذها من بدري وافتك منها

اخاف اخذها يطلع لي شي اعظم منها وابتلش فيها

خليني اقولك مواد مستوى رابع ونبذه عنها
وبعدها انت قرر بتدرس الرياضيات معها او ما تناسبك

مواد مستوى رابع هي (مهارات ادارية - مهارات كتابة ادارية - قانون العمل - نظام سياسي في الاسلام - طرق بحث - ادارة مالية)

ادارة مالية من فئة المحاسبة ولكن اسهل بكثير من محاسبة 1 و 2
اللي نغص علينا بالاختبار النهائي على قد ما الاختبار سهل الا انه الدكتور حط معظم الاسئلة لا شيء مما سبق
يعني كل مانحسب يطلع معنا الجواب مو بالخيارات ونحط لا شيء مما سبق
والمشكلة ان الاسئلة الثانية حلها يعتمد على النتيجة اللي طلعت معك

الماده اثناء الدراسة مافيها اي صعوبة ممكن تواجهك ولكن اذا كان نفس الدكتور
فإحتمال يصرقعكم بالاختبار النهائي بالحركة هذي

المواد الثانية كلها نظرية عدا طرق البحث بالمحاضرة 12 + 13 فيها جزئية احصائية
بس ما اتذكر انه جابها بالاختبار
المداه جدا جدا جدا جميله ومفيده في حياتك اليومية والعامة والعملية وكل شيء
بحكم اني كنت اساعد اختي ببحوثها هالمادة ساعدتني كثير بأني انجز معها بحثها بافضل صورة ممكنه
وبحكم اني طبقت غالب اللي درسته فـ كانت النتيجه بالاختبار النهائي مذهلة

المادة دسمة وفيها حشو معلومات ولكن من ناحية اخرى فايدتها كبيرة جدا

نظام السياسي درسنا صالح الضلعان مادة سهلة ولطيفة ودكتور متعاون جدا و كانت اسئلته حلوه
ما ادري ليش قلب معكم بالاجتماعي وخربها

مهارات ادارية نوعا ما مزيج بين مهارات التعلم ومبادئ الادارة .. الدكتور اللي درسنا
كان متمكن من المقرر وكان يشرح بكل روقان .. الله يذكره بالخير

مهارات كتابة ادارية هذي نفعتني بتطوير رسائلي للعمادة
اسم على مسمى تدرسون فيها كيف تكون الخطابات انواعها وانواع الرسائل وانواع الاتصال ..الخ
مافيها اي صعوبة على العكس قراءة مسحيه للمنهج تكفي للنجاح بدرجه مرضية

القانون التجاري مادة نظرية ولكن تعتمد على الفهم
ما اقدر احكم على المقرر لانها تعتمد على حسب الدكتور اللي بيدرسك
هل بيفهمك او بيقرأ قراءة للمنهج فقط

برأيي الشخصي ان المادتين ادارة مالية وقانون تجاري هي اللي يبيلك تشد حيلك فيها كثير
لو كان الرياضيات قبل او بعد احد هالمقررين انصحك تضحي بوحده الا اذا عندك القدرة على مذاكرة مادتين دسمه ورى بعض

غير كذا توكل على ربي وخذها وعسى ربي يوفقك