السلام عليكم
بلا شك صرنا ضحايا للجامعة والتصحيح الالكتروني الجامعة تأخرت ثلاث اسابيع لاعلان النتائج وبعض الطلاب والطالبات في الملتقى يقولون التأخير لصالحنا وعلى حسب زعمهم يقولون الجامعة تعمل على تضليل الاجابات اللي مو مضللة كويس واتضح عدم ذلك !
ترى فيه مقاطع باليوتيوب فيها الة التصحيح الالكترونية تصحح وترصد في ثواني يعني تأخير الجامعة في اعلان النتائج خربطة عندهم جت على روس الطلاب والخوف تكون آلتهم قديمة ومخربطة ومايبون يجيبون غيرها
الفريدان يقول نعمل ليل نهار على التصحيح قال وش دراك انها كذبة قال من كبرها !
فيه مواد جايب فيها 10 من 70 وقدمت اعتراض وماني متفائل والسبب في عدم تفاؤلي ان الجهة اللي اعترضت عندها واطلب منها الانصاف رئيسها يقول انهم يعملون ليل نهار على التصحيح والشغلة كلها دقايق فكيف اثق في ناس كذا ؟
واللي يقول الجامعة تساعدنا وتضلل الاجابات عنا شوفوا الطلاب والطالبات يشتكون من نقص ونزيف الدرجات
السؤال هل يجوز ان اضلل الاجابات بقلم اسود سائل في الاختبارات القادمة ؟
ياليت اللي عنده حساب بتويتر يسأل الفريدان