الي خذيت عندهم المستوى الاول :
نظام : هدى عبد القادر , تجنن اِسلوبها جميل واكثر دكتوره محبوبه عند الطالبات ,
تعطي درجات للشاطرات , تحاول قد ماتقدر ماتخلي احد يحمل الماده ,
تسجل المشاركات كل نهايه محاضره وتقولكِ كيف مستواكِ .
تحب تتناقش كثير وتحب الي يتناقشون معها , كيوت بالمره انصح فيها .
مهارات : غاده طهه , تشرح من قلب شرحها يفهمكِ الماده ,
سلوبها جدا جميل دائما مُبتسمه مع الطالبات
الي تحل الواجب تعطيها دايركت الفل مارك ,
وبالميد حددت معنا الاشياء المهمه , بس بالنهائي لا
هي افضل شخصيه من الاستاذات الي درسوني , ربي يجزيها خير .
حاسب : اتوقع عند اسماء خذيت , اسئلتها سهله بالكويزات
ولكن صراحه محاضرتها جدا تجيب النوم
هدرتها كثيره ماتخلص شرحها ماعليه بس من الهدره اصلا انتِ ماتجمعين شي
, كل شي نذاكره ماتساعد , مستفزه نوعاً ما ونوعا ما كويسه بس تعطي
درجات بونص للي يشرح البحث كويس او للي موضوعه مميز .
وعلى الرغم من هذا هي الوحيده الي جبت عندها a+
يعني انصح فيها للي يتحملون الهدره الطويله .
انقلش عام : ناجاكالا هنديه , كويسه حبوبه طيبه , شرحها لابأس ,
كويزاتها اصعب شي فيها
بالنسبه لي كل شي فيها حلو الا الكويزات دقيقه بالمره ,
نادراً اذا عطت درجات واذا عطت تعطي
المتفوقات ولكن مثل ماقلت نادررراً .. تتساعد مع الطالبه ,
وتشوف البنات يساعدون بعض بالكويز بس تسكت ماتتكلم ,
الي ماتفهم انقلش لا تاخذها والي تفهم تاخذها ..
بس تعطي لكل طالبه حقها ماراح
تعطيك درجات وانتي ماتفهمين شي
تحرير : منى بشاره , لا انصح فيها , ماتشرح ابداً تقرأ فقط ولما تجي
دروس سهله تجلس تشرح! والصعبه تحقرها, مزاجيه مع بنات وبنات ..
اغلب الشعبه اخذت مقبول بالتحرير .
نحو : ابرار الدخيل , اتوقع اول سنه لها بالجامعه ,
شرحها ماعليه بس بالواجب تنقص كثير تدقق على اقل حاجه
وعلى كل حركه من الطالبه مخالفه ,
المشاركه تسجلها نهايه كل محاضره , بالاخير تحسب لك مشاركاتك
وعليها تحط لك مشاركات اذا انتِ اقل من 5 مشاركات تحط لك مثلا 3 وهكذا ..
كويزاتها صعبه بالمره ,
ك شخصيه كويسه ولكن تحاسب على كل شي
وتنقص على كل حاجه الطالبه تسويها ,
شخصيا؟ النحو من اصعب المواد مانصح فيها , الطالبه تحتاج استاذه اكثر تعاون ..
صحه ولياقه : ريزا العتيبي, بارده وهي تشرح , رافعه خشمها على ايش ماعرف
, تبي الطالبات يشرحون وهي ماتشرح ,
ولا تخطط ابدا بينما في استاذاات صحه يخططون الى شعب ثانيه,
خططت لنا حوالي 8 اسئله بينما دكتوره ثانيه خططت لشعبه ثانيه نص الكتاب
, مانصح فيها بتكرهين الماده اكثر من البرود .
فقه سيره : حليمه الشهراني , شرحها ماعليه يعتبر جدا كويس ,
بس تجيب النوم وطبيعي لان الماده تجيب النوم, تاخذ الوقت كامل
وهي تشرح, الواجب مايعجبها العجب لازم تنقص حتى لو كامل ,
وانتِ تقرين لازم تحجر لكِ لين ماتجاوبين غلط! , مستفزه شوي ,
مستحيل تقولك ايش نوع الاسئله مارضت تقول لنا لا بالميد ولا بالنهائي !
بس افضل شي عندها المشاركه , تخلي الكل يشارك
وتسجل المشاركات نهايه كل محاضره وتعطي فل مارك بالمشاركه .
مبادئ : نبيله العمري اِردنيه , جدا كويسه , تعطي كامل على البحث طالما
كان مكتمل , خفيفه محاضرتها ماتطول , انصح فيها هي الوحيده
الي كانت تخطط معنا .