الاخوان كفو ووفو الله يجزاهم خير
اقرا عن اتخصصات واقرا ردود الشباب وان شاء الله تقدر تختار التخصص اللي يناسبك.
..
فيه نقطه بخصوص البكالوريوس والدبلوم ، مثل ما قالو الاخوان فرص الوظيفه لطلاب الدبلوم اعلى بكثير من البكالوريوس
انا خريج تخصص هندسة كيميائيه دبلوم وانا الان موظف في سابك كـ مشغل operator.
وعلى فكرة انا كلموني سابك لعمل مقابله شخصيه وانا ما زلت طالب (سويت المقابله قبل نهاية برنامج التدريب التعاوني الي يعتبر اخر كورس تاخذه في الكلية قبل ما تتخرج ويكون التدريب في احد الشركات كسابك او ارامكو او غيرها لمدة ترم كامل) .. ووقعت العقد بعد ماتخرجت بأسبوعين تقريباً .. وازيدك من الشعر بيت ، كل طلاب دفعتي اللي هم كيميكال كلموهم سابك لعمل مقابله وظيفه ، وتم قبول فوق الـ 80% منهم ، والان هم موظفين رسميين.
اما طلاب البكالوريوس ياخذون وقت على ما يجيهم عرض من الشركات ، ودائما تكون مقابلة الوظيفه الخاصه بهم اصعب نسبيا من مقابلة الوظيفه الخاصه بطلاب الدبلوم.
هذا اللي عندي ، ولا تنسى اخوك من صالح الدعاء