انسى انك تكمل دراسة اول ما تتوظف علطول .. اقل شي يبغالك سنتين واكثر عشان تسمح لك الشركه تواصل دراستك .. الا لو عندك واسطه بالشركه اللي انت فيها هذا كلام ثاني
طبعاً تحتاج الى شيئين لاكمال دراسة التفرغ الجزئي
اول شي موافقه الشركه لاكمالك للدراسه .. وبما اني في سابك ، فيه عندنا نموذج الكتروني خاص بتقديم الموظف لاكمال الدراسه والموافقه تكون عن طريق مديرك في الشركه
ثاني شي قبول الكلية لك لإكمال الدراسه فيها .. طبعا الكلية راح تطلب منك نموذج اكمال الدراسه من الشركه .. يعني ماتقدر تكمل دراسه بدون علم الشركه اللي انت فيها ..
طبعا نظام التفرغ الجزئي له وضع خاص من ناحية عدد الساعات في الترم .. تقدر تقول ان مدة انهاء الطالب اللي داخل انتظام اسرع من التفرغ جزئي .. الطالب المنتظم بيخلص البكالوريوس في سنتين فقط ، اما طالب التفرغ الجزئي يبغاله اقل شي 4 سنوات لان عدد الساعات المسموح لهم بها محدود جدا ( اتوقع ما تتعدا 9 ساعات في الترم)
وغير كذا اذا كان نظام عملك شفتات راح تواجه بعض الصعوبات في اكمال الدراسه .. لانك دوامك يكون متقلب مابين صبح واول ليل واخر ليل.
الله يكتب لك اللي فيه خير .. ولاتنسى اخوك من الدعاء