حسبي الله على الفرقا ونعم الوكيل
اسرفت بي وباحت للمخاليق سدّي
كلما حل صبح وكلما ماجنّ ليل
قمت أهل الدموع الحايره فوق خدّي
اكتم الجرح في قلبي وقلبي عليل
والحزن في ملامح نظرتي مستبدّي
المشاعر يتيمه في زوايا الرحيل
والمعاني طريحه بين جزري ومدّي
امطتيت الدروب وحمل متني ثقيل
حمّلتني السنين احمول ماهي بقدّي
السهر ماعرفت اشلون ليله طويل
لين ذقت الفراق ووقف الحظ ضدّي
كنت اْعدّ انكساري شيْ من المستحيل
واستدار الزمن حتى خسرت التحدّي
كنت سيّد طموح وصرت عابرسبيل
طار عصفوري اللي عاش في وسط يدّي
ومابقى لي سوى الذكرى ودمعه تسيل
دايم تزورني لو كان ماهو بودّي
،،،،،،،،،،،،،،،،،،،،،،،،،،،،،،
انتقاااء اجمل من الجميل ♡
الودعاني لاهنت